ԱՄՆ նախագահ Դոնալդ Թրամփը դեռ պատրաստ չէ ընդունել նախագահական ընտրություններում կրած պարտությունը, սակայն միեւնույն ժամանակ հասկանում է, որ պաշտոնին մնալու որեւէ շանս չունի: Այս մասին CNN-ին պատմել են Սպիտակ տան երկու խորհրդականները:
Խորհրդականներից մեկը հայտարարել է, որ Թրամփը հասկանում է, որ պարտվել է ընտրություններում:
Ընդ որում, մեկ այլ խորհրդական նշել է, որ Սպիտակ տան ներկայիս ղեկավարը ծրագրում է շարունակել վիճարկել քվեարկության արդյունքները, քանի դեռ այդպիսի հնարավորությունը կա:
Պաշտոնյաները հայտնել են նաեւ, որ Թրամփը ցանկանում է հավատալ իր հաղթանակի հնարավորությանը, փոխանցում է «Գազետա»-ն:
Նոյեմբերի 3-ին ԱՄՆ-ում նախագահական ընտրություններ անցկացվեցին, պետության ղեկավարի պաշտոնի գլխավոր հավակնորդներն են դեմոկրատ Ջո Բայդենը եւ գործող նախագահ, հանրապետական Դոնալդ Թրամփը:
Նոյեմբերի 7-ին ամերիկյան առաջատար լրատվամիջոցները` ABC News-ը, FOX News-ը, CNN-ը, AP-ն եւ NBC-ն, հայտարարեցին ԱՄՆ նախագահական ընտրություններում ժողովրդավար Ջո Բայդենի հաղթանակի մասին: Արդյունքները պաշտոնապես դեռ չեն հայտարարվել: