Արեւելյան ռազմական օկրուգի հատուկ նշանակության բժշկական ստորաբաժանումը (ՀՆԲՍ) օգնություն է ցուցաբերում տեղի բնակչությանը Լեռնային Ղարաբաղի մայրաքաղաք Ստեփանակերտ քաղաքում: Այս մասին հայտնում են ՌԴ ՊՆ մամուլի ծառայությունը:
Օրվա ընթացքում ռուս ռազմական բուժաշխատողներն ընդունել են մոտ 40 տեղի բնակչի: Խորհրդատվություն, զննում եւ որակյալ բժշկական օգնություն է ցուցաբերվել թերապեւտների, վիրաբույժների եւ պրոֆիլային այլ մասնագետների կողմից: Ստեփանակերտի քաղաքային հիվանդանոցում անեսթեզիոլոգ-ռեանիմատոլոգներն օգնություն են ցուցաբերբել իրենց գործընկերներին վերակենդանացման բաժանմունքի ծանր հիվանդների հետ աշխատանքում:
Ավելի վաղ ՀՆԲՍ-ի ստորաբաժանումները Իլ-76 ռազմատրանսպորտային ինքնաթիռներով տեղափոխվել էին Խաբարովսկ քաղաքի օդանավակայաններից դեպի Երեւան եւ շարասյան կազմում 300 կիլոմետրանոց անցում էին կատարել Երեւանից Ստեփանակերտ: ՀՆԲՍ-ի առաջին ստորաբաժանմա կազմում Ստեփանակերտ էր ժամանել ավելի քան 60 բժշկական մասնագետ, այդ թվում` ռազմական վիրաբույժներ, անեսթեզիոլոգ--ռեանիմատոլոգներ, թերապեւտներ եւ համաճարակաբաններ: Նախօրեին սկսվել էր երկրորդ ռազմական հիվանդանոցի տեղակայումը Մարդակերտ բնակավայրում: