News
Լրահոս
News
Երեքշաբթի
Մարտ 19
Տեսնել լրահոսը

Հանուն հայրենիքի կյանքը զոհած մերօրյա հերոսներին պետք է ճանաչել անուն առ անուն. Կիմ Խաչատրյանը՝  լուսանկարի տղան,  ԵՊԲՀ ստոմատոլոգիական ֆակուլտետի ուսանող էր: Այս մասին Facebook-ի իր էջում գրել է ԵՊԲՀ ռեկտոր ԱՐմեն Մուրադյանը:

Նա, մասնավորապես, նշել է. «Մերօրյա հերոսի կողմից հնչեցված խոսքերն ընկերները նրա մահից հետո հաճախ են կրկնում՝ ավելի զգալով դրանց խորությունը. «Բախտը մեկն է զինվորի՝ կամ մահ, կամ ազատություն»:

«Շատ դժվար է Կիմի մասին խոսել անցյալով։ Մեր Կիմը յուրահատուկ, մեծատառով մարդ էր։ Իր պես հայրենասեր, բարի, անկեղծ, պարզ ու արդար մարդիկ քիչ են»,- պատմում է համակուրսեցին՝ Մանոն Գևորգյանը՝ շարունակելով, որ Կիմը յուրահատուկ արժեհամակարգի տեր էր, ազգային արժեքներին ու գաղափարներին նվիրված։

Հենց այդ գաղափարներին էլ հավատարիմ մնալով հոկտեմբերի 12-ին ՀՅԴ «Նիկոլ Աղբալյան» ուսանողական միության իր ընկերների հետ մեկնեց ռազմաճակատ։

«Մեկնեցին բոլորով, բայց վերադարձան առանց Կիմի»,-ընդգծում է ԵՊԲՀ սովորողը։

Ստոմատոլոգիական ֆակուլտետի ուսանողը հայրենասեր լինելուց բացի նաև շատ ընկերասեր էր, հաճախ էր ամբողջ խմբին հրավիրում  իր ծննդավայր Արենի՝ գինի խմելու, տեսարժան վայրերը տեսնելու։

Կուրսընկերները Կիմի հրավերն անպատասխան չեն թողնելու։ Խմբով, չնայած նրան, որ արդեն ավարտել են, որոշել են ու խոստացել, որ գնալու են Արենի՝ Կիմի հիշատակի համար գինի խմելու։

«Մեր Կիմը լուսավոր էր։ Երբեք չեմ մոռանա, թե ինչպես էր բիոէթիկայի դասի ընթացքում երգում Գետաշենը, իրեն բնորոշ ռազմահայրենասիրական ոգով։ Շատ լավ հումորի զգացում ուներ, հիշում եմ՝ ինչպես մի անգամ առանց գլխարկի պատիվ տվեց, մենք էլ ասեցիք, որ դատարկ գլխին պատիվ չեն տալիս, ինչին Կիմը պատասխանեց «ինչի է դատարկ՝  մեջը լիքը խելք կա»»,- հիշում է Մանոնը։

Նա վստահ է, որ ավել բան ասել պետք չէ. լուսանկարներին նայելով շատ բան կարելի է նկատել հերոսի աչքերում և հայացքում։

Երիտասարդ մարտիկը ծնվել էր 1995թ. մարտի 17-ին՝ Վայոց Ձորի մարզի Արենի գյուղում: 2001-2012 թթ. սովորել է Արենիի միջնակարգ դպրոցում։ 2013-2015թթ. ծառայել ՀՀ զինված ուժերում (Մեղրիում)։ Նպատակ ուներ ուսումն ավարտելուց հետո մասնագիտական գործունեություն ծավալել հայրենի գյուղում, հիմնել ատամնաբուժարան։

Կիմ Խաչատրյանը տևական ժամանակ եղել է առաջնագծում, զոհվել է հոկտեմբերի 31-ին»:

«Մերօրյա հերոսները». Կիմ Խաչատրյան Հանուն հայրենիքի կյանքը զոհած մերօրյա հերոսներին պետք է ճանաչել անուն առ անուն։ Կիմ...

Опубликовано Արմեն Մուրադյան/ Armen Muradyan Четверг, 3 декабря 2020 г.
Տպել
Կարդացեք նաև
Ամբողջը
Թուրքիան 2020-ի Ադրբեջանի ագրեսիան անվանել է «հնարավորություն» խաղաղության և կայունության համար
Նրա խոսքով, կողմերը պայմանավորվել են խորացնել Թուրքիայի հաջող համագործակցությունը Ադրբեջանի և...
Երևանի և Բաքվի միջև միմյանց դեմ միջազգային դատական ​​հայցերը հետ կանչելու համաձայնություն չկա. Միրզոյան
Քննարկվում են տարբեր տարբերակներ...
Դպրոցներ կային՝ մեզ ագրեսիվ դիմավորեցին, մի տեղ ասացին՝ կարող ա դուք մուսուլման եք. զոհվածի հայր
Մենք 7 հոգանոց տարբեր խմբեր էինք կազմել, որպեսզի այցելենք դպրոցներ, սակայն…
Այս պահի դրությամբ 23 մարդ դեռեւս պահվում է անազատության մեջ Բաքվում. Արարատ Միրզոյան
2023 թվականի հենց առաջին օրից մենք արդեն ունենինք շատ կոնկրետ իրավիճակ՝...
«Փաշինյանը 2018–ին խոստացել էր վերադարձնել տարածքները».Ալիև
«Բայց, ցավոք, 2019-ին Հայաստանի նոր ղեկավարությունը բացարձակապես անընդունելի առաջարկներ արեց»․․․
Զոհված զինծառայողների ընտանիքները փոխնակ մոր ծառայությունից կարող են օգտվել նաև 2-րդ անգամ, եթե ընտանիքում կա 2 զոհված
Կառավարությունն իր այսօրվա՝ մարտի 14-ի նիստում ընդլայնեց զոհված...
Ամենաշատ