Երկուշաբթի ամերիկյան Google ընկերության առցանց ծառայությունների աշխատանքում խնդիրներ են դիտվել աշխարհի մի շարք երկրներում: Այս մասին հաղորդվում է Downdetector ծառայության էջում, որը հետեւում է հանրաճանաչ համացանցային ռեսուրսների աշխատանքին:

Խափանումների վերաբերյալ ամենամեծ թվով գանգատներ ստացվում են եվրոպական երկրների օգտատերերից: Ռուսաստանում այս պահին խափանումներ են դիտվում Մոսկվայում եւ Սանկտ Պետերբուրգում:

Մասնավորապես հաղորդվում է Google որոնման ծառայության, YouTube տեսահոսթինգի, Gmail փոստի եւ այլ ծառայությունների աշխատանքի հետ կապված խնդիրների մասին: