Ավելի քան 300 սիրիացի փախստական ստիպված էր լքել Լիբանանի հյուսիսում ոչ պաշտոնական ճամբարը բռնկված հրդեհի հետեւանքով, հաղորդում է Associated Press-ը՝ հղում անելով Լիբանանի եւ ՄԱԿ-ի պաշտոնական ներկայացուցիչներին:
Հրդեհը բռնկվել է շաբաթ երեկոյան, որը հրշեջները մարել են մի քանի ժամ շարունակ:
Բանակը հետաքննում է բռնկման պատճառները: Հետաքննվում են նաեւ մարդիկ, որոնք կարող են պատասխանատվություն կրել դեպքի համար, նշել է անանուն աղբյուրը:
ՄԱԿ-ում փախստականների հարցերով գործակալության ներկայացուցիչ Խալեդ Քաբարայի խոսքով, չարտոնագրված կացարանում ապրել է շուրջ 375 միգրանտ: Նրա խոսքով՝ ճամբարն ամբողջովին այրվել է:
Դեպքի հետեւանքով չորս մարդ հոսպիտալացվել է այրվածքներով: Քաբարան հայտնել է, որ միգրանտները ապաստան են հայտել մոտակա ոչ պաշտոնական կացարաններում: Նրանց ապաստանելու պատրաստակամություն են հայտնել նաեւ տեղի համայնքում:
Նշվում է, որ Լիբանանում ապրում է ավելի քան 1 մլն փախստական, ինչը կազմում է երկրի բնակչության շուրջ մեկ քառորդը:
