Բորել. Կապիտոլիումի դիմաց անկարգությունները մերկացրել են ժողովրդավարական արժեքների անկառավարելի դեգրադացիայի եւ սոցցանցերում ապատեղեկատվության տարածման վտանգը: Այս մասին հայտարարել է ԵՄ դիվանագիտության ղեկավար Ժոզեպ Բորելը:
«Այն ինչ մենք տեսանք չորեքշաբթի օրը, աշխարհում վերջին տարիներին տեղի ունեցող տագնապալի իրադարձությունների կուլմինացիան էր: Դա պետք է տագնապալի ազդանշան լինի ժողովրդավարության բոլոր կողմնակիցների համար»,-նշել է նա:
«Բոլորը պետք է հասկանան, որ եթե մենք հաշտվում ենք անհաջողությունների հետ, նույնիսկ եթե դրանք աննշան են թվում, ժողովրդավարությունը, դրա արժեքներն ու ինստիտուտները կարող են վերջին հաշվով եւ անդառնալիորեն մահանալ»,-ասել է Բորելը:
Նրա խոսքով՝ Վաշինգտոնում տեղի ունեցած իրադարձությունները ցույց են տալիս, որ ապատեղեկատվությունն իրական սպառնալիք է ժողովրդավարության համար:
Բորելը կոչ է արել կարգավորել սոցցանցերն ու ասել է, որ հենց ընկերությունները չեն կարող ինքնուրույն դա անել:
Ավելի վաղ Եվրահանձնաժողովն առաջարկել է սոցցանցերում ֆեյք նորությունների կանխման կանոններ:
