Ես հայ գործարարների հետ ունեմ ամենօրյա եւ ամենժամյա հանդիպումներ, վերջինը երեկ է կազմակերպվել, ճանապարհները բացելու հարցը չենք քննարկել, այլ նրանց այսօրվա խնդիրները: Այս մասին, այսօր՝ հունվարի 14-ին, կառավարության նիստից հետո լրագրողների հետ ճեպազրույցի ժամանակ նշեց Էկոնոմիկայի նախարար Վահան Քերոբյանը՝ անդրադառնալով հարցին, թե արդյոք հայ գործարարները ցանկություն ունեն, որ Ադրբեջանի հետ ճանապարհները բացվեն եւ իրենք օգտվեն այդ ճանապարհներից:
«Ես գիտեմ, որ բազմաթիվ գործարարներ կրում են ահռելի ծախսեր, երբ օրինակ, ապրանք են արտահանում Ղազախստան: Դա կրկնակի ավելի թանկ է, քան իրականում պետք է լիներ, ուղղակի ճանապարհների զարտուղիության պատճառով այդպես է ստացվել»,-ասաց նա:
