Վրաստանում ԱՄՆ արտակարգ եւ լիազոր դեսպան Ջոն Բասը ամուսնանալու նպատակով մեկնել է Միացյալ Նահանգներ:
«Ջոն բասը գտնվում է Կալիֆորնիայում: Դեսպանը հունիսի 11-ին ամուսնանում է եւ որոշ ժամանակ նա չի վերադառնա Վրաստան: Դեսպանի պարտականություններն այդ ընթացքում կիրականացնի նրա տեղակալ Քենթ Լոգսդոնը»,- այսօր` հունիսի 7-ին այս մասին հայտնել է Թբիլիսիում ԱՄՆ դեսպանատան ներկայացուցիչը:
Դեսպանատունը մանրամասներ չի հաղորդել ոչ դեսպանի հարսանիքի արարողության մասին, ոչ էլ հարսանցուի անունը:
