Բրյուսելը մտադիր է ԱՄՆ պատժամիջոցներից ԵՄ ընկերությունների պաշտպանության հարցով միջոցներ մշակել: Այդ որոշումը ԵՄ ֆինանսական համակարգի եւ կայուն տնտեսության բարձրացման հարցով ռազմավարության մասն է դարձել: Երրորդ երկրների պատժամիջոցները կարող են հետեւանքներ ունենալ ոչ միայն եվրոպական ընկերությունների համար, այլ նաեւ լրջորեն վատթարացնել ԵՄ-ի՝ արտաքին քաղաքական նպատակներն առաջ տանելու ունակությունը, գրում է DW-ը:
Մասնավորապես, Եվրահանձնաժողովը նշել է ԱՄՆ նախագահ Դոնալդ Թրամփի հետ փոխգործակցության փորձը, ով վերջին օրն է անցնակցում այդ պաշտոնում: 2018-ին նա միակողմանի կարգով դուրս է եկել Իրանի հետ միջուկային գործարքից, ինչպես նաեւ կրկին պատժամիջոցներ սահմանել Թեհրանի դեմ: Եվրոպական ինստիտուտներն ու ընկերությունները մտավախություն ունեն, որ իրենք կարող են պատժամիջոցների զոհ դառնալ, եթե շարունակեն բիզնեսը Իրանի հետ:
Ցանկանալով փրկել Իրանի հետ գործարքը՝ ԵՄ-ն հատուկ նշանակության կառույց է ստեղծել, որպեսզի եվրոպական ընկերություններին թույլ տա աջակցել Թեհրանի հետ շփումը: Բացի այդ, գործի կդրվի այսպես կոչված շրջափակող ռեգլամենտը, որը կոչված է պաշտպանելու Եվրամիության ձեռնարկություններին: