News
Լրահոս
News
Երեքշաբթի
Մարտ 19
Տեսնել լրահոսը

Հայաստանում թուրքական ապրանքները կարող են փոխարինվել ԵՏՄ երկրների արտադրանքով: «Հնգյակի» երկրները կարող են պայքարել Հայաստանի շուկայում թափուր տեղի համար: Այս մասին ճեպազրույցում ասել է ԵՏՀ Կոլեգիայի նախագահի օգնական Իյա Մալկինան, հայտնում է «Sputnik-Արմենիան»:

Նա նշել է, որ ներկայումս Միության երկրների մոտ շարունակում է պահպանվել ազգային մակարդակում ապրանքների ներկրման կարգավորման այլ միջոցներ հաստատելու հնարավորությունը, որոնք չեն փոխանցվել Հանձնաժողովի մակարդակին:

Հայաստանի Հանրապետության Կառավարության 2020 թվականի հոկտեմբերի 20-ի № 1708 որոշումը «Հայաստանի Հանրապետություն թուրքական ծագման ապրանքների ներկրման ժամանակավոր արգելքի մասին» ընդունվել է ազգային իրավազորությանը համապատասխան: Ընդ որում՝ Միության երկրների փոխգործակցությունն ապահովվում է ԵՏՀ Խորհրդի ակտերի համաձայն:

«Միության երկրներից մատակարարումների լոգիստիկայի վերակառուցումը ձեռնարկատերերի համար հեշտ չի լինի՝ հաշվի առնելով համավարակի հետ կապված ընթացիկ իրավիճակը: Այդուհանդերձ, «հնգյակի» երկրները որոշակի շուկաներում թափուր տեղը զբաղեցնելու հնարավորություն ունեն»,- ասել է Մալկինան:

Նրա խոսքով՝ «հնգյակի» երկրները կարող են պայքարել տպագրական ներկերի, թանաքների եւ տուշի շուկաների համար: Դրանից բացի, 2020 թվականի առաջին երեք քառորդում ռուս արտադրողներն արդեն Հայաստան են առաքել 450 հազար դոլարի ապրանքներ: Իսկ Թուրքիան առաքում էր 330 հազար դոլարի ապրանքներ:

Եվս մեկ շուկա է սինթետիկ պոլիմերների հիմքով ներկերի եւ լաքերի շուկան:

Թուրքիան 2020 թվականին առաքել է 2,4 մլն դոլարի ապրանքներ: Ռուսաստանի եւ Բելառուսի առաքումները հասել են 5,7 մլն դոլարի մակարդակի: Ընդ որում՝ 5 երկրներն էլ արտադրում են այդ խմբերի ապրանքներ եւ մատակարարում են երրորդ երկրների շուկաներ (2020 թվականին մատակարարումների ընդհանուր ծավալը կազմել է գրեթե 39 մլն դոլար):

Կազատվի նաեւ լվացող միջոցների շուկան: 2020 թվականին Թուրքիայից մատակարարումները կազմել են 4 մլն դոլարից փոքր-ինչ ավելի: Ընդ որում՝ Ռուսաստանն ու Բելառուսը մատակարարել են 6,6 մլն դոլարի արտադրանք: «Նշեմ, որ մեր բոլոր երկրներն արտադրում են լվացող միջոցներ եւ դրանք առաքում են համաշխարհային շուկա»,- ասել է Մալկինան:

Հայաստանում թուրքական ապրանքների ներկրման արգելքը ուժի մեջ է մտել 2020 թվականի դեկտեմբերի 31-ին: Սակայն դրա մասին հայտարարվել էր դեռեւս 2020 թվականի հոկտեմբերին՝ 2 ամիս առաջ, որ տեղական բիզնեսը, որն աշխատում է թուրքական ապրանքների կամ հումքի առաքմամբ, վերակողմնորոշվելու ժամանակ ունենար:

Նշենք, որ Հայաստանը վերջին տարիներին ամեն տարի Թուրքիայից ներմուծել է 250-270 մլն դոլարի ապրանքներ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կառավարությունը հավանություն տվեց ԵԱՏՄ-ի եւ երրորդ կողմերի մաքսային տարանցման միասնական համակարգի մասին համաձայնագրին
Համաձայնագրի նախագիծը սահմանում է Միության և երրորդ կողմի (երրորդ կողմերի) միասնական մաքսային տարանցման համակարգի գործունեության հիմնական...
ԵԱՏՄ-ում կփոխվեն անասնաբուժական դեղերի շրջանառության կանոնները
ԵԱՏՄ կփոխվի կանոններն անասնաբուժական դեղերի շրջանառության հարցում...
ԵԱՏՄ գազի ընդհանուր շուկայի ձեւավորման մասով երկրների միջեւ կան մի շարք հարցեր. փոխնախարար
ԵԱՏՄ անդամ երկրների միջեւ կան մի շարք հարցեր...
ՌԴ-ից մեծ կախվածություն ունենք՝ ԵԱՏՄ-ն լքելը ռիսկային է. Ֆինանսների նախարար
«Ամեն դեպքում կախվածությունը մեկ կետից, որն էլ լինի այդ կետը, պետք է դիվերսիֆիկացնել»․․․
Պեսկովը հայտնել է, որ Հայաստանը շահում է ԵԱՏՄ-ին անդամակցությունից
Դա մասամբ տեղի է ունենում մեր երկրի հետ շատ սերտ փոխշահավետ համագործակցության եւ ԵԱՏՄ-ին Հայաստանի անդամակցության պատճառով, դա միանշանակ է...
ՊԵԿ պատվիրակությունը մասնակցել է ԵԱՏՄ պետությունների մաքսային ծառայությունների միավորված կոլեգիայի 45-րդ նիստին
Որոշում է կայացվել Եվրասիական տնտեսական միության անդամ պետությունների...
Ամենաշատ