Մոսկվայի կենտրոնում՝ Պուշկինի հրապարակում, հաջակցություն Ալեքսեյ Նավալնու բողոքի ակցիայի մասնակիցները հարձակվել են ոստիկանների վրա եւ նրանց ուղղությամբ ձնագնդի եւ սառույց նետել , հաղորդում է ՏԱՍՍ-ը:
ՏԱՍՍ-ի թղթակիցը նաեւ հայտնել է, որ ոստիկանության աշխատակցից փորձել են հանել զրահաբաճկոնը, մեկ այլ աշխատակցի հրել են: Եվս մեկին հրել են ամբոխի մեջ եւ նրանից հանել վիդեոռեգիստրատորը:
Բացի այդ, հավաքվածները հրմշտոց են ստեղծել, մի քանի անգամ սադրել ոստիկաններին՝ նրանց ուղղությամբ ձնագնդի եւ սառույց նետելով:
Միեւնույն ժամանակ, ոստիկանները շարունակում են զգուշացնել ակցիաների անօրինականության մասին:
Ավելի վաղ Նավալնու աջակիցները համացանցում կոչեր էին տարածել հունվարի 23-ին չարտոնված ցույցերին մասնակցելու մասին: ՆԳՆ-ն ռուսաստանցիներին զգուշացրել է նման ակցիաների մասնակցելու համար պատասխանատվության մասին: ՌԴ գլխավոր դատախազությունը պահանջել է սահմանափակել նման կոչերով կայքերի հասանելիությունը: