Կիրակի Իսրայելի երկու խոշոր քաղաքներում տեղի են ունեցել բախումներ օրթոդոքսալ ցուցարարների եւ ոստիկանության միջեւ, քանի որ իշխանությունները բախվել են նոր դժվարությունների հետ կորոնավիրուսի սահմանափակումները պահպանելու կապակցությամբ երկրի կրոնական համայնքներում, հաղորդում է Associated Press-ը:
Բախումները տեղի են ունեցել Երուսաղեմում եւ Աշդոդում, երբ ոստիկանությունը փորձել է փակել կրոնական դպրոցները, որոնք բացվել էին՝ խախտելով փակման մասին հրամանները:
Համավարակի ամբողջ ընթացքում բազմաթիվ խոշոր օրթոդոքսալ համայնքներ խախտել են անվտանգության կանոնները՝ շարունակելով բացել դպրոցները, աղոթել սինագոգներում եւ անցկացնել զանգածային հավաքներ հուղարկավորման արարողությունների ժամանակ: Դա հանգեցրել է վարակման անհամաչափ բարձր մակարդակին. օրթոդոքսալ համայնքներում գրանցվել է Իսրայելում կորոնավիրուսի դեպքերի ավելի քան մեկ երրորդը՝ չնայած հանգամանքին, որ այն փոքր-ինչ գերազանցում է բնակչության 10 տոկոսը:
Երուսաղեմում ոստիկանությունը կիրառել է արցունքաբեր գազ, որպեսզի ցրի հարյուրավոր օրթոդոքսալ բնակիչների բազմությունը կրկին բացված դպրոցի հարեւանությամբ: Ցուցարարները բղավել են ակցիայի մասնակիցներին բերման ենթարկող սպաներին «Հեռացե՛ք այստեղից, նացիստներ»:
Իսրայելական ԶԼՄ-ների հաղորդագրություններով՝ անկարգությունների ընթացքում վիրավորվել է առնվազն հինգ ոստիկան, ինչպես նաեւ ձերբակալվել է առնվազն չորս մարդ: