ՆԱՏՕ-ի գլխավոր քարտուղար Յենս Սթոլթենբերգը Պաշտպանության ղեկավարների նստաշրջանում Ռազմական կոմիտեի նիստին դաշինքի անդամ երկրներին կոչ է արել շարունակել ավելացնել պաշտպանական ծախսերը, ժամանակակից հնարավորություններ ներդնել եւ բարձրացնել զինված ուժերի պատրաստվածությունը` գլոբալ սպառնալիքների դեմ պայքարի համար, ինչպիսիք են Ռուսաստանի ագրեսիվ պահվածքը, ահաբեկչությունը եւ Չինաստանի վերելքը: Համապատասխան հայտարարությունը հրապարակվել է կազմակերպության կայքում, փոխանցում է ՏԱՍՍ-ը:
Ստոլտենբերգը շեշտել է, որ դաշինքը պետք է պատրաստ լինի հաղթահարել ցանկացած սպառնալիք ավելի անկանխատեսելի եւ մրցունակ աշխարհի պայմաններում: «Մեր ժողովրդավարությանը, մեր արժեքներին եւ կանոնների վրա հիմնված աշխարհակարգին մարտահրավեր է նետվել: Ուստի մենք պետք է պատրաստ լինենք դիմակայելու ցանկացած սպառնալիքի, որը կարող է բերել իր հետ ապագան»,- հայտարարել է նա:
