Google-ի խաղային Stadia հարթակը զրկվել է Stadia Games and Entertainment բացառիկ թայթլների մշակման սեփական ստուդիայից: Այս մասին ընկերությունը հայտարարել է իր սեփական բլոգում, հաղորդում է «ՌԻԱ Նովոստին»:
Ընկերությունը որոշել է այլեւս ներդրումներ չանել մեր SG&E զարգացման թիմից բացառիկ բովանդակություն տրամադրելու համար: Ստուդիայի անձնակազմի մեծ մասը կտեղափոխվի Google-ում նոր պաշտոնների, բայց ուղղությունը ղեկավարած Ջեյդ Ռեյմոնը հեռացել է «բարու կորպորացիայից»:
Ի դեպ, Google-ը չի ընդունում, որ Stadia ամպային հարթակը խնդիրներ ունի: Ընկերությունը հանգստացնում է գեյմերներին՝ պնդելով, որ ծառայությունը զարգանում է, իսկ այլ ստուդիաներից պարբերաբար նոր խաղեր կթողարկվեն:
Google Stadia նախագիծը մեկնարկել է 2019 թվականի նոյեմբերի 19-ին: Մինչ այժմ այն ներկայացված է 14 երկրներում: Խաղերը հասանելի են բաժանորդագրությամբ: Ամպային ծառայությունը, Google Stadia գույքային կարգավորիչի հետ միասին, թույլ է տալիս խաղալ նույն խաղը ինչպես համակարգչով, այնպես էլ սմարթֆոնով կամ հեռուստացույցի հավելվածով:
