Իշխանությունները մտադիր են 2021 թվականին հասնել 1 մլրդ դոլար ներդրումային ծրագրի իրականացման: Այս մասին փետրվարի 10-ին Ազգային ժողովի նիստում ասաց էկոնոմիկայի նախարար Վահան Քերոբյանը՝ պատասխանելով պատգամավորների հարցերին:
Նրա խոսքով՝ այս փուլում դիտարկվում են մի քանի տասնյակ ներդրումային ծրագրեր, որոնք կուտակվել են վերջին տարիներին եւ ինչ-ինչ պատճառներով չեն իրականացվում: Նախարարի տարբերակով՝ հիմնական խնդիրը շուկայում այս ծրագրերի առաջ մղման աշխատանքի համար պետական տարբեր կառույցներում անհրաժեշտ մոտիվացիայի բացակայությունն է:
«Կարելի է ասել, որ մենք ձեռքով աշխատելու ռեժիմում ներդրողներին օգնում ենք իրենց նախագծերը շուկա դուրս բերել: Դրա համար ես ամեն օր մի քանի ժամ եմ տրամադրում... Արդյունքի մասին կարելի է խոսել միայն դրան հասնելուց հետո: Բայց կարող եմ ասել, որ մենք ամեն օր արդյունք ունենք»,- ասաց Քերոբյանը:
Ինչ վերաբերում է կարճաժամկետ նպատակներին, ապա, ինչպես նշեց նախարարը, այս տարի ներդրումները պետք է հասցվեն մինչեւ 1 մլրդ դոլարի: Նա վստահ է, որ եթե հաշվի առնեն բոլոր ընթացիկ նախագծերը, այդ ծրագիրը կարող է միանգամայն իրատեսական թվալ:
Ի թիվս այլոց՝ Քերոբյանն առանձնացրեց հյուրանոցային համալիրի նստեղծման նախագիծը, շվեդական ընկերության կողմից 30 մլն դոլարի IT նախագիծը եւ մի շարք այլ նախագծեր: