Աշխարհում ամենատարածված կրիպտոարժույթ բիթքոինը վաճառվում է 52 հազար դոլար նիշից բարձր, վկայում են հինգշաբթի առավոտյան սակարկությունների տվյալները, փոխանցում է «Փրայմը»:
Բիթքոինը վաճառվում է մեկ կրիպտոդրամի դիմաց 52 140 դոլարով: Բիթքոինը նախօրեին անցել էր 51 հազար դոլար նիշից:
Հիշեցնենք, որ նախօրեին՝ փետրվարի 17-ին, Ռուսաստանի Պետդուման առաջին ընթերցմամն օրինագիծ էր ընդունել, որով սահմանվում է կրիպտոարժույթներով գործողությունների եկամտահարկ:
Փաստաթուղթը ստորին պալատի քննարկմանն էր ներկայացրել կառավարությունը: Եթե այն ընդունվի, ապա Ռուսաստանի Հարկային օրենսգրքում թվային արժույթը սեփականություն կճանաչվի: Սա կրիպտոարժույթի տերերին թույլ կտա հակաօրինական որեւէ գործողության դեպքում իրավաբանական պաշտպանության հույս ունենալ: Նրանք կկարողանան նաեւ իրենց սեփականության իրավունքները վիճարկել դատարանում:
