Բելառուսի նախագահ Ալեքսանդր Լուկաշենկոն հայտարարել է, որ հանրապետությունում իշխանության փոխանցում լինել չի կարող, եւ այդ թեման չի քննարկվել Սոչիում Ռուսաստանի նախագահ Վլադիմիր Պուտինի հետ բանակցություններում:
«Բելառուսում որեւէ տրանսֆեր լինել չի կարող: Ես արդեն ասել եմ. նախագահ Լուկաշենկոյից հետո ոչ մի երեխա, ոչ մի թոռ եւ ծոռ չեն կարող հավակնել այս պաշտոնին: Ամեն ինչ կլինի սահմանադրորեն եւ օրենքով»,- ասել է Լուկաշենկոն երեքշաբթի բելառուս-ռուսական համագործակցության հարցի շուրջ կայացած հանդիպմանը, փոխանցում է նախագահի մամուլի ծառայությունը:- Սահմանադրությունը մենք կընդունենք, ինչպես ասացի, հաջորդ տարվա հունվար-փետրվար ամիսներին: Ահա եւ իշխանության ամբողջ տրանսֆերը»:
Լուկաշենկոն նշել է, որ Բելառուսում «իշխանության տրանսֆերի» թեման չի քննարկվել Սոչիի բանակցություններում, ինչպես արդեն գրել են որոշ ԶԼՄ-ներ: Նրա խոսքով` Բելառուսի ներքին քաղաքականությունը բացառապես Բելառուսի գործն է: «Ուստի իշխանության որեւէ տրանսֆերի մասին մենք չենք էլ խոսել: Դա նույնիսկ անպարկեշտ կլիներ այդ հանդիպման ընունող կողմից: Իսկ թե ինչպես ենք կկազմակերպենք մեր երկրի ներքին կյանքը` դա մեր գործն է: Իսկ արտաքին քաղաքականությունը, ինչի շուրջ մենք պայմանավորվել ենք, կհամակարգենք, ինչպես հիմա»,- հավելել է Բելառուսի առաջնորդը:
Փետրվարին Լուկաշենկոն հայտարարել էր, որ նպատակահարմար է համարում սահմանադրությունը փոխելու հանրաքվեն համատեղել տեղական Խորհուրդների պատգամավորների ընտրությունների հետ, որոնք պետք է տեղի ունենան 2022 թվականի հունվարի 18-ից ոչ ուշ: