ԵՄ Խորհուրդը ԱԳ նախարարների մակարդակով համաձայնեցրել է Չինաստանի դեմ պատժամիջոցների սահմանումը մարդու իրավունքների համակարգված խախտումների համար: Ինչպես նշում են Reuters եւ dpa լրատվական գործակալությունները, սա վերջին 30 տարվա ընթացքում առաջին պատժամիջոցային փաթեթն է:
Դրանից առաջ ՉԺՀ-ին զենք մատակարարելու ԵՄ-ի էմբարգոն սահմանվել էր այն բանից հետո, երբ 1989 թվականին Չինաստանի իշխանությունները ճնշեցին բողոքի ցույցերը Պեկինի Տյանանյմեն հրապարակում:
Պատժամիջոցների նոր ցուցակում ներառված են չորս ֆիզիկական եւ մեկ իրավաբանական անձ: ԵՄ-ում նրանց ակտիվները սառեցված են, ԵՄ նրանց համար մուտքը փակ է: Բրյուսելն իր քայլը կապում է (Սինցզյան-Ույգուրի ինքնավար շրջանում «ույգուրների եւ այլ էթնիկ եւ կրոնական փոքրամասնությունների ներկայացուցիչների ցեղասպանության» հետ, հաղորդում է DW-ը:
