News
Լրահոս
News
Շաբաթ
Մայիս 21
USD
458.98
EUR
485.74
RUB
7.81
Տեսնել լրահոսը

Հնդիկ գործարարը, Սադամ Հուսեյնի գործունեությունից ոգեշնչված, թունավորել է կնոջն ու նրա ընտանիքին հազվագյուտ քիմիական նյութով: Դելիի ոստիկանությունը Վարուն Արորային սպանության կասկածանքով ձերբակալել էր նրա զոքանչի մահից հետո, իսկ դատաբժշկական փորձաքննությունը ցույց էր տվել, որ կնոջ օրգանիզմում թալիումի բարձր պարունակություն կա, հաղորդում է The Telegraph-ը:

39-ամյա Արորան ընտանեկան ընթրիք էր պատրաստել եւ ուտեստի մեջ թալիում էր ավելացրել, ինչից հետո Արորայի կինը փետրվարին կոմայի մեջ էր ընկել, իսկ նրա քույրն անմիջապես մահացել էր:

Թալիումը դժվար է հայտնաբերել եւ այն դանդաղ մահվան է հանգեցնում, որն ուղեկցվում է մահաքնով,, թմրությամբ, ընդհանուր թուլությամբ եւ մազաթափությամբ: Կնոջ մահից հետո Արորայի աները դիմել էր ոստիկանություն՝ հայտնելով, որ սպանության մեջ կասկածում է իր փեսային: Հետագա փորձարկումները ցույց են տվել, որ նրա կնոջ եւ երեխաների օրգանիզմում թալիումի բարձր մակարդակ կա: Հետաքննողները հայտարարել են, որ Արորան իր համակարգչի միջոցով ինտերնետում որոնել է Սադամի կողմից քիմիական նյութի օգտագործման պատմությունը:

«Մենք նաեւ պարզել ենք, որ Արորան թալիում է պատվիրել առցանց դեղագործական ընկերության միջոցով՝ հավաստիացնելով, որ ինքն ու իր աները հոմեոպաթիկ դեղ են պատրաստում կորոնավիրուսի դեմ: Մենք հետեւեցինք փաթեթը առաքողին եւ նույնականացրեցինք Արորային»,- ասել է ոստիկանության աշխատակիցներից մեկը: Ապա Վարուն Արորան խոստովանել է, որ թալիում է գնել եւ թունավորել է իր կնոջն ու նրա ընտանիքին վրեժխնդիր լինելու համար, քանի որ, նրա կարծիքով, երկար ժամանակ նվաստացվել է նրանց կողմից:

Հիշեցնենք, որ թալիումը քիմիական նյութ է, որը հայտնի է դարձել իրաքյան բռնապետի գաղտնի ոստիկանության կողմից այլախոհների եւ հակառակորդների դեմ կիրառելուց հետո:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Հայրենիք» կինոթատրոնի մոտակայքում 6 մեքենաներ են բախվել. կա զոհ
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի...
«Սահակյանշին»-ը պարզաբանել է Ծիծեռնակաբերդի խճուղում փլուզման պատճառը և ստանձնել վերանորոգումը
Սահակյանի խոսքով, պատի փլուզման պատճառը խոնավ եղանակն է...
Փլուզման հետևանքով Ծիծեռնակաբերդի խճուղին երկկողմանի փակ է
Մայիսի 20-ին, ժամը 06:55-ին Ճգնաժամային կառավարման ազգային կենտրոն ահազանգ է ստացվել, որ Երևանի Լենինգրադյան փողոցից դեպի...
Վանաձորում պայմանագրային զինծառայողը հայհոյել է պարեկներին, նրանք հատուկ միջոց են կիրառել
Մայիսի 18-ին արտակարգ դեպք է տեղի ունեցել Լոռու մարզում: Ժամը 23:00-ի սահմաններում ․․․
Մահացու ելքով վրաերթի վայրից հեռացած վարորդը հայտնաբերվել է
«Տոյոտայի» 40-ամյա վարորդը մայիսի 17-ին Օհանովի փողոցի շենքերից մեկում հայտնաբերվել և, մեքենայով հանդերձ, բերման է ենթարկվել ոստիկանության...
Եռաբլուր զինվորական պանթեոնում հայտնաբերվել է նռնակ
Մայիսի 18-ին, ժամը 10։32-ին Ճգնաժամային կառավարման ազգային կենտրոն...
Ֆոտոռեպորտաժներ