Երուսաղեմի Հին քաղաքում հնագետները հայտնաբերել են մետաղադրամ, որը ենթադրաբար օգտագործվել է ուխտավորների կողմից տաճարի հարկ վճարելու համար, հայտնում է Jerusalemalim Post-ը:
Հնագույն մետաղադրամը հայտնաբերվել է արտեֆակտներով արկղում, որը գտել են 1980-ականներին, երբ այդ տեղում կատարվել էր կոնսերվացման վերջին նախագիծը: Արկղը ինչ-որ կերպ կորել էր եւ միայն վերջերս էր վերականգնվել՝ որպես Դավթի աշտարակի թանգարանում ներկայումս ընթացող շատ անհրաժեշտ պահպանական ծրագրի մի մաս:
Արկղում պարունակվել է հազվագյուտ արծաթե մետաղադրամ, որը կոչվում է «տյուրոսյան շեկել», որն օգտագործվել է Երկրորդ տաճարի ժամանակաշրջանում եւ արտադրվել է հինավուրց Տյուրոս քաղաքում, որտեղ տյուրոսյան շեկելները դաջվել են մ.թ.ա 125 թվականից մինչեւ մ.թ. 66-ին Մեծ ապստամբության սկիզբը:
