Ազգային ժողովն այսօր՝ ապրիլի 1-ին արտահերթ նիստ է գումարել, որի օրակարգում միայն մեկ հարց է՝ Ընտրական օրենսգրքի փոփոխությունները:
Օրենսդրական նախաձեռնության հեղինակներն են «Իմ քայլը» խմբակցությունից Համազասպ Դանիելյանը, Վահագն Հովակիմյանը, ինչպես նաեւ որեւէ խմբակցությունում չընդգրկված Արման Բաբաջանյանն ու Սերգեյ Բագրատյանը:
Նշենք, որ «ՀՀ Ընտրական օրենսգիրքը» սահմանադրական օրենք է, որն ընդունելու համար անհրաժեշտ է 80 պատգամավորների կողմ ձայները:
Ավելի վաղց NEWS.am-ը հայտնել էր, որ այսօր առավոտյան երկրորդ փորձից կայացել է ԱԺ խորհրդի նիստը, որտեղ էլ որոշում է ընդունվել արտահերթ նիստ անցկացնելու վերաբերյալ: ԱԺ խորհրդի նիստին չեն մասնակցել ԲՀԿ-ի եւ ԼՀԿ-ի ներկայացուցիչները:
