Ռուանդայի նախագահ Փոլ Կագամեն բարձր է գնահատել նոր ֆրանսիական զեկույցը 1994-ի ցեղասպանությանը Ֆրանսիայի դերի մասին, հաղորդում է AP-ը:
Մենք ողջունում ենք այդ զեկույցը, ասել է նա:
Նա նշել է, որ իր կառավարությունն այդ զեկույցը մեկնաբանում է հետեւյալ կերպ. այդ ժամանակվա ֆրանսիացի առաջնորդ Ֆրանսուա Միտերանը «գիտեր, որ Ռուանդայում դաշնակիցները ծրագրում են թութսիի ցեղասպանություն, սակայն շարունակել է աջակցել նրանց, քանի որ կարծում էր, որ դա անհրաժեշտ է Ֆրանսիայի աշխարհաքաղաքական դիրքի համար»: «Ռուանդացիները ընդամենը խաղաքար էին աշխարհքաղաքական խաղերում»,-ասել է Կագամեն:
Կագամեի մեկնաբանությունները կարեւոր են, քանի որ դրանք ենթադրում են Ռուանդայի եւ Ֆրանսիայի միջեւ կապի ակնհայտ լավացում:
