Հայաստանի Հանրապետության կենտրոնական բանկը չի զբաղվում փոխարժեքի կանխատեսմամբ: ԿԲ-ի նպատակը գնաճն է: Այս մասին ԱԺ Ֆինանսավարկային և բյուջետային հարցերի մշտական հանձնաժողովի նիստում հայտարարեց ԿԲ նախագահի տեղակալ Ներսես Երիցյանը:
Նրա խոսքով՝ գների գնաճի սպասումները խարսխելու համար փոխարժեքը պետք է լինի ավելի տատանողական, քան գնաճը: «Գնաճի աստիճանից է կախված երկրում կայունությունը: Այդ կապակցությամբ ուզում եմ ասել, որ փոխարժեքի և արժեզրկում, և արժևորում հնարավոր է: Չեմ կարող Ձեզ ասել, թե ինչքան կարժևորվի, վաղն էլ ինչքան կարժեզրկվի, դրանք կապված են ֆինանսական շուկայի սպասումների, պայմանների հետ, եւ այլն»,-նկատեց Երիցյանը:
Նշենք, որ պատերազմից հետո դրամն արժեզրկվել է 10 տոկոսով: