Ֆիզկուլտուրայի նախկին ուսուցիչ Մաուրո Մորանդիին արտաքսում են Սարդինիայի ափերի մոտ գտնվող կղզուց, որտեղ նա ապրել է 30 տարի, հաղորդում է ՌԻԱ Նովոստին:
Մորանդին տեղափոխվել էր կզի 1989 թվականին՝ զբաղեցնելով Երկրորդ համաշխարհային պատերազմի տարիների շենքը, որն այդ ժամանակ ծառայում էր որպես ռադիոկայան: Հետագայում Բուդելլի կղզին զբոսաշրջիկների շրջանում հայտնի դարձավ Մորանդիի շնորհիվ:
82-ամյա տղամարդն այժմ պետք է լքի արգելոցային գոտին:
Նրա խոսքով՝ ինքը չի կորցնում վերադառնալու հույսը:
«Ես շատ իրեր չունեմ: Մի մասը կթողնեմ այստեղ, այլ իրեր կգնեմ նոր վայրում: Եթե ինչ, կկանչեմ ընկերներիս: Ես կարող էի մնալ այստեղ: Մարդկությունը ոչնչացնում է աշխարհը, ես մարդկանց կհասցնեմ այն միտքը, որ եթե բնությունը վերանա, մենք նույնպես կվերանանք»,-ասել է իտալացին:
