Ավստրալիան 580 մլն դոլար կծախսի 4 ռազմաբազայի արդիականացման եւ ԱՄՆ-ի հետ զորավարժությունների ընդլայնման համար, հաղորդում է CNN-ը:
Այս մասին հայտարարել է վարչապետ Սքոթ Մորիսոնը՝ Չինաստանի հետ առեւտրային եւ դիվանագիտական վեճի ֆոնին:
«Մեր նպատակն է ազատ եւ բաց Հնդկախաղաղօվկիանոսյան տարածաշրջանում խաղաղությունը: Ավստրաիան միշտ կպաշտպանի իր շահերը»,-ասել է Մորիսոնը:
Ավստրալիայի եւ Չինաստանի միջեւ հարաբերությունները վատթարացել են այն բանից հետո, երբ անցած տարի Կանբերան կոչ է արել հետաքննել կորոնավիրուսի ծագումը: