Հայաստան տեղափոխված 3 գերիներից մեկը Շիրակի մարզից է, որը ռազմական գործողությունների ավարտից հետո, Խծաբերդի ուղղությամբ տեղակայված դիրքից էր գերեվարվել՝ 6 տասնյակից ավելի պահեստազորայինների հետ։ Այս մասին NEWS.am-ի հետ զրույցում ԱԺ «Իմ քայլը» խմբակցության պատգամավոր Նազելի Բաղդասարյանը։
«Գերեվարված երեք մեր հայրենակիցներն արդեն Երեւանում են։ Ինքնաթիռը քիչ առաջ վայրէջք կատարեց, ռուս խաղաղապահների հրամանատար Ռուստամ Մուրադովի եւ Ազգային անվտանգության ծառայության ջանքերով նրանք վերադարձվել են հայրենիք։
Այս պահին նրանք անցնում են բժշկական փորձաքննություն, հասցրել են կապվել եւ խոսել հարազատների հետ։ Մեկը Շիրակի մարզից է, Շուխյան Սամվելն է։
Բարի եւ շուտափույթ վերադարձ մաղթենք նաեւ մեր մյուս տղաներին»,– իր ֆեյսբուքյան էջում գրել է Նազելի Բաղդասարյանը։