Մեքսիկայում մայրաքաղաքային մետրոյում բազմաթիվ զոհերի հանգեցրած աղետի կապակցությամբ եռօրյա ազգային սուգ է հայտարարվել: Նախագահ Անդրես Մանուել Լոպես Օբրադորի համապատասխան հրամանագիրը հրապարակվել է երեքշաբթի երեկոյան Diario Oficial de la Federacion-ում՝լատինաամերիկյան պետության կառավարության պաշտոնական տպագիր պարբերականում:
«Մայիսի 3-ին Մեխիկոյի մետրոպոլիտենի 12-րդ գծի վրա տեղի ունեցած ողբերգության կապակցությամբ եռօրյա ազգային սուգ է հայտարարվում,- ասվում է փաստաթղթում, փոխանցում է ՏԱՍՍ-ը:
Մեքսիկայի կամրջի՝ Մեխիկոյի հարավում գտնվող «Օլիվոս» կայարանի հարեւանությամբ գտնվող հատվածը՝ դրա վրայով անցնող գնացքի հետ միասին, փլուզվել էր երկուշաբթի երեկոյան: Արդյունքում երկու վագոն ընկել էր մոտ 10 մ բարձրությունից: Պաշտոնական տվյալների համաձայն՝ զոհվել է 24 մարդ: Առնվազն 79 ուղեւոր վիրավորվել է: