News
Լրահոս
News
Ուրբաթ
Հունիս 18
Տեսնել լրահոսը

ՀՀ Տարածքային կառավարման և ենթակառուցվածքների նախարարության Հայաստանի տարածքային զարգացման հիմնադրամը շարունակում է իրականացնել Համայնքային ենթակառուցվածքների ծրագիրը (ՀԵԾ 2 ՓՈՒԼ 3), որի շրջանակներում Լոռու մարզի Վանաձոր և Լեռնապատ համայնքներում մեկնարկել են լայնածավալ աշխատանքներ։

Վանաձորում նախատեսվում է  13,93 կմ ջրատար խողովակաշարի մոնտաժում, 3 ջրընդունիչների կառուցում, օրվա կարգավորիչ ջրամբարների և պոմպակայանի վերակառուցում, 22,87 կիլոմետր բաշխիչ ցանցի կառուցում և 9,79 կիլոմետր երկարությամբ ջրագծերի տնային միացումների մոնտաժում։ Ջրաչափական հորերի թիվը 1127 է։ Ծրագրի հաջող ավարտից հետո քսանչորսժամյա գրաֆիկով՝ խմելու ջուրը կհասնի Վանաձորի Բազում  և Դիմաց թաղամասերի և հարակից տարածքների` ավելի քան 4500 բնակչի։ Ներդրումը կկազմի 3 միլիոն 348 հազար եվրո։

Լեռնապատում նախատեսվում է

Օրվա կարգավորիչ ջրամբարի վերակառուցում, 6,8 կիլոմետր երկարությամբ բաշխիչ ցանցի վերակառուցում, մոնտաժվող մուտքագծերի երկարությունը կազմում է 1,5 կիլոմետր, անհատական տնային միացման ջրաչափական հորերի թիվը 151 է։ Ծրագրի հաջող ավարտից հետո, քսանչորսժամյա գրաֆիկով՝ խմելու ջուրը կհասնի Լեռնապատ համայնքի` ավելի քան 600 բնակչի։ Աշխատանքների իրականացման համար ներդրումը կկազմի 175 հազար 264 եվրո։

Արդյունքում Վանաձոր և Լեռնապատ համայնքներում  վերը նշված աշխատանքների համար նախատեսվում է իրացնել 3 միլիոն 523 հազար եվրո, որը տրամադրվում է ՀՀ կառավարության, Գերմանական վերակառուցման վարկերի բանկի (KFW) և Եվրոպական միության (Հարևանության ներդրումային գործիք) կողմից։

Նույն ծրագրի շրջանակներում շուտով աշխատանքները կմեկնարկեն նաև Լոռու մարզի Ամրակից, Անտառամուտ, Ձորագյուղ, Գուգարք, Հոբարձի, Վարդաբլուր, Կուրթան և  Վահագնի համայնքներում։ Լոռիում  այս փուլում նախատեսվում է ներդնել   6 միլիոն 963 հազար եվրո։

Համայնքային ենթակառուցվածքների ծրագիրը համակարգվում է Տարածքային կառավարման և ենթակառուցվածքների նախարարության կողմից, ՏԿԵՆ Ջրային կոմիտեի մասնակցությամբ։

Տպել
Կարդացեք նաև
Ամբողջը
Նոր հուշագիր. Ծրագրի շրջանակում մինչև 2025-ը նախատեսվում է իրականացնել շուրջ 1․160 մլրդ դրամի ներդրումային ծրագրեր
Հունիսի 17-ին ՀՀ էկոնոմիկայի նախարարության և «ԴԱՐ» տարածաշրջանային զարգացման և մրցունակության հիմնադրամի միջև ստորագրվել է…
Կառավարությունը ներեց «Ավելիաց» ՍՊԸ-ի 48,8 մլն դրամի պարտքը. Ինչ է տեղի ունեցել
Կոմիտեի կողմից սույն նախագծով առաջարկվում է ներել Շրջանցիկ թունել, փողոց թիվ 52/1 հասցեում գտնվող գույքի օտարման արդյունքում...
ՊԵԿ-ում ստորագրվել է փոխըմբռնման հուշագիր՝ Բեռնարկղերի վերահսկողության ծրագրի շրջանակում
ՊԵԿ նախագահ Էդվարդ Հովհաննիսյանը նշել է, որ փոխըմբռնման հուշագրով...
Դոլարի փոխարժեքը շարունակում է նվազել. եվրոն էժանացել է մոտ 10 դրամով
Թանկարժեք մետաղների համար բանկի կողմից սահմանվել են հետեւյալ գները...
«Արմենիա» ավիաընկերությունը մշտական չվերթներ է սկսում Երեւանից Բաթումի
Շաբաթական մեկ չվերթ կլինի մինչեւ հունիսի 22-ը...
Անհայրենիքները եկան իշխանության ամեն 4-րդ քաղաքացին էր աղքատ, հեռանում են՝ ամեն 3-րդն է աղքատ. ՀՅԴ-ական տնտեսագետ
Նախորդ մեկուկես տարում սննդամթերքի միջին գներն աճել են շուրջ 15 տոկոսով, իսկ առաջին անհրաժեշտության սննդամթերքի միջին...
Ամենաշատ