News
Լրահոս
News
Երեքշաբթի
Մարտ 19
Տեսնել լրահոսը

Լիբանանին էլեկտրաէներգիա մատակարարող թուրքական ընկերությունը սպառնացել է դադարեցնել մատակարարումը, հայտարարել է Լիբանանի ֆինանսների նախարարությունը՝ վկայակոչելով լիբանանցի օրենսդրին: 

Նախարարության հայտարարության մեջ նշվել է, որ ֆինանսական ճգնաժամի մեջ գտնվող Լիբանանը կարող է հայտնվել «լիակատար մթության մեջ», եթե թուրքական Karadeniz ընկերությունը ընդհատի մատակարարումները, հաղորդում է Reuters-ը:

Իր հերթին, Karadeniz-ը պահանջել է, որ լիբանանցի դատախազը դադարեցնի ընկերության նավերի ձերբակալումը: Ընկերությունը պահանջել է նաեւ կազմել պարտքի մարման ժամանակացույց` մատակարարման խափանումներից խուսափելու համար:

Անցյալ շաբաթ Լիբանանի դատախազը որոշում է կայացրել ձերբակալել բեռնանավերը եւ տուգանք կիրառել ընկերության նկատմամբ այն բանից հետո, երբ «Ալ-Ջադիդ» հեռուստաընկերությունը հաղորդել է էլեկտրամատակարարման պայմանագրի հետ կապված կոռուպցիայի մեղադրանքների մասին: Թուրքական ընկերությունը հերքում է մեղադրանքները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամենաշատ