Բիթկոինը երկուշաբթի էժանանում է մեկ օրում ավելի քան 10 տոկոսով եւ արդեն նվազել է մոտավորապես մինչեւ 42,2 հազար դոլար՝ կորցնելով ապրիլյան պատմական առավելագույն արժեքի ավելի քան մեկ երրորդը, վկայում են սակարկությունների տվյալները, տեղեկացնում է «Պրայմը»։
Կրիպտոարժույթի սակարկությունների ծավալով ամենամեծ Binance բորսայում բիթկոինի գինը ժամը 8.52-ի դրությամբ նվազել էր 10 տոկոսով՝ հասնելով 43,38 հազար դոլարի։ Մի փոքր ավելի վաղ գինը նվազել էր մինչեւ 42 197 դոլար (առայժմ մեկ օրվա նվազագույնն է)։ Իսկ CoinMarketCap պորտալի տվյալներով, որը հաշվարկում է ավելի քան 20 բորսաների միջին գինը, բիթկոինն էժանացել է 10,1 տոկոսով՝ 43,41 հազար դոլար։ Ամենուրեք շարժը ներկայացվում է մեկ օրվա համար։
Բիթկոինն ապրիլի 13-ին հերթական անգամ թարմացրեց պատմական առավելագույնը եւ հասավ 64 854 դոլարի։ Այսպիսով, բիթկոինն արդեն կորցրել է պատմական ռեկորդի արժեքի 35 տոկոսը, որը ձեռք էր բերվել ավելի քան մեկ ամիս առաջ։
