ԱԺ փոխխոսնակ Լենա Նազարյանը վրացի գործընկերներին անկախության տոնի առթիվ շնորհավորական ուղերձ է հղել հենց վրացերենով։
Նա, իհարկե, Facebook-ի իր էջում այդ գրառմանը կցել է նաև շնորհավորանքի հայերեն տարբերակը։
«Որպես ՀՀ Ազգային ժողովի Հայաստան-Վրաստան բարեկամական խմբի ղեկավար՝ շնորհավորում եմ Վրաստանի բարեկամ ժողովրդին Վրաստանի ազգային տոնի՝ Անկախության նվիրական օրվա կապակցությամբ։ Աշխարհում ու հատկապես տարածաշրջանի ժողովուրդների համար այս բարդ ու փոթորկալից ժամանակներում վրաց ժողովրդին մաղթում եմ խաղաղություն ու բարօրություն: Շնորհակալ եմ բարեկամության համար, շնորհակալ եմ փոխօգնության համար, շնորհակալ եմ համագործակցության համար Վրաստանի սիրելի քաղաքացիներ»,-գրել է նա:
Վրացերենով շնորհավորանք է հղել նաեւ ԱԺ փոխխոսնակ Ալեն Սիմոնյանը:
Նա գրել է. « Մայիսի 26-ին վրաց ազգը նշում է Վրաստանի անկախության օրը: Շնորհավորու՛մ եմ մեր դարավոր բարեկամներին այս տոնի առթիվ և հաջողություններ մաղթում պետականության կառուցման գործում»: