Սահմանային իրավիճակը մեր բարբառով ասա կայուն, մանթո վիճակ է: Այս մասին Գորիսում NEWS.am-ի հետ զրույցում նշեց Շուռնուխի գյուղապետի եղբայր Արարատ Աղաբեկյանը:
«Փառք Աստծո, կանոնավոր բանակը կանգնած է, բայց էլի ես պնդում եմ, որ աշխարհազորը կանոնավոր բանակի հետ պետք է կանգնած լինի, որովհետեւ կանոնավոր բանակը ընդունում է հրաման՝ առաջ գնալ, հետ գնալ, բայց կան ֆունկցիաներ, որ չեն կատարվում: Այսօր կամավորականն է, որ կարողանում է թուրքին «աբառոտկա ֆռալ»: Կամավորն է կարում դոշ տա, ասի՝ հոպ, իսկ կանոնավոր բանակը հրման կատարող է: Եթե դա անենք, գոնե կկարողանանք մեր սուվերեն տարածքը պահենք, ոչ թե օր-օրի թուրքը առաջ գա, ասի՝ էս սարն իմն , լրիվ իմն ա: Համարյա լրիվ ջրային ռեսուրսներին տիրացել են: Իրենց հողը պետք չի, իրենց հիմնական խնդիրը ջրային ռեսուրսներն են:
Մենք դա գիտակցում ենք, սյունեցին իր թքածը լիզող մարդ չի: Մեր հաղթանակած, գյոզալ բանակից սարքեցին ամենանվազ, ամենատկար բանակը, բայց մենք վերականգնելու ենք մեր բանակը, մեր գյուղատնտեսությունը, մեր տնտեսությունը»,-ասաց նա: