News
Լրահոս
News
Ուրբաթ
Օգոստոս 06
Տեսնել լրահոսը

ՆԱՏՕ-ի շրջանակում դաշնակիցները պաշտոնապես պատրաստ են դեմ ներկայանել Եվրոպայում հյուսիսատլանտյան միության կողմից ցամաքային միջուկային հրթիռներ տեղակայելու դեմ, հաղորդում է Defense News-ը:

Այդ դրույթը դեռեւս սեւագիր է, քանի դեռ չեն հրապարակվել հունիսի 14-ին Բրյուսելում կայացած ՆԱՏՕ-ի գագաթնաժողովի պաշտոնական արդյունքները:

Պարբերականի հաղորդմամբ՝ այդ քայլը դիտարկվում է՝ որպես Մոսկվայի հետ հարաբերություններում լարվածությունը թուլացնելու եւ սպառազինությունների նկատմամբ վերահսկողության հարցում երկխոսությունն ակտիվացնելու հնարավոր միջոց Ժնեւում հունիսի 16-ին ռուս-ամերիկյան գագաթնաժողովի նախօրեին:

ՆԱՏՕ-ում քննարկումներն ընթանում են լուրերի ֆոնին, որ Մոսկվան կրկին կառաջարկի արգելք սահմանել փոքր ու միջին հեռահարության ցամաքային հրթիռներ տեղակայելու շուրջ, ինչի մասին հայտնել են ռուսական պետական ԶԼՄ-ներն այս շաբաթ:

ՆԱՏՕ-ի նոր ցամաքային հրթիռների տեղակայումը Եվրոպայում կրում է  տեսական բնույթ: ՆԱՏՕ-ի գլխավոր քարտուղար Ստոլտենբերգն առաջին անգամ անցած տարի հայտարարել էր, որ այդ ուղղությամբ ծրագրեր չկան՝ չնայած նշել էր, որ որոշ դաշնակիցներ նախատեսում են ձեռք բերել ՀՕՊ եւ ՀՀՊ համակարգեր:

!
Այս նյութը հասանելի է նաև   Русский
Տպել