Երկուշաբթի Ջորջիա նահանգի Ատլանտա քաղաքի արվարձանում ամերիկյան սուպերմարկետում հասարակական վայրերում դիմակներ կրելու անհրաժեշտության շուրջ վեճը ավարտվել է կրակոցներով: Տեղական անկախ հետազուզական գործակալությունը հայտնում է, որ արդյունքում մեկ մարդ է սպանվել, երեք մարդ, այդ թվում` զինված անձը, վիրավորվել են, հայտնում է ՏԱՍՍ-ը:
Ըստ բյուրոյի կայքում տեղադրված հաղորդագրության` սուպերմարկետ մուտք գործած 30-ամյա Վիկտոր Լի Թաքերը վիճաբանել է գանձապահի հետ «դիմակ կրելու» շուրջ: Նա դուրս է եկել խանութից` այդպես էլ ոչինչ չգնելով, ապա վերադարձել եւ կրակել է գանձապահ կնոջ վրա: Հանցագործությունը կանխել փորձել էր շրջանի շերիֆի տեղակալը, ով ոչ աշխատանքային ժամին գտնվում էր սուպերմարկետում. նրա եւ Թաքերի միջեւ փոխհրաձգություն էր սկսվել: Արդյունքում երկու տղամարդիկ էլ վիրավորվել էին, բացի այդ փամփուշտներից մեկը դիպել է մեկ այլ գանձապահի:
Ոստիկանությունը բերման է ենթարկել Թաքերին, երբ նա փորձում էր փախնել դեպքի վայրից: Հրաձիգը եւ շերիֆի տեղակալը հոսպիտալացվել են, երկրորդ գանձապահին տեղում են օգնություն ցուցաբերել: