Թունիսի նախագահ Քայս Սաիդը հայտարարել է, որ իր երկրում օտարերկրյա զորքերի կամ ռազմաբազա չի ընդունի: Այս մասին նա հայտարարել է Թունիսի ազգային զինված ուժերի ստեղծման 65-ամյակին նվիրված իր ելույթում, հայտնում է MEMO- ն:
Դա տեղի է ունեցել մի քանի շաբաթ անց այն բանից հետո, երբ պաշտպանության նախարար Իմեդ Խազգին հայտարարեց, որ Թունիսը հրաժարվում է օգտագործել իր տարածքը ռազմական գործողությունների կամ օտարերկրյա զորամասերի ու ստորաբաժանումների ստեղծման համար:
«Թունիսը դեռ վերահսկում է իր ցամաքային, տարածքային ջրերը եւ օդային տարածքը, եւ մենք թույլ չենք տալիս, որպեսզի օտարերկրյա ուժերը լինեն մեր երկրում»,- ասել է Հազգին:
AFRICOM-ի հրամանատար, ԱՄՆ բանակի գեներալ Սթիվեն Թոունը հայտարարել է, որ Ամերիկան քննարկում է Թունիս ռազմական հրահանգիչների ստորաբաժանում ուղարկելու հարցը՝ հարեւան Լիբիայում ռուսական ուժերի ներկայության պատճառով:
