Մեծ Բրիտանիայի պաշտպանության նախարարության գաղտնի փաստաթղթերը, որոնք պարունակում են մանրամասն տեղեկատվություն Defender ավիակրի եւ բրիտանացի զինվորականների մասին, հայտնաբերվել են Կենտի ավտոբուսի կանգառներից մեկում, հաղորդում է BBC News-ը:
Փաստաթղթերից մեկում ներկայացված է Ռուսաստանի հնարավոր արձագանքը Ղրիմի ափերի մոտ ուկրաինական ջրերով նավի անցման մասին:
Եւս մեկ տեղեկատվություն է Աֆղանստանում Մեծ Բրիտանիայի հնարավոր ռազմական ներկայության ծրագրերը այնտեղ ԱՄՆ գլխավորությամբ ՆԱՏՕ-ի գործողության ավարտից հետո:
Կառավարությունը հայտարարել է, որ սկսվել է հետաքննություն:
ՊՆ ներկայացուցիչը հայտարարաել է, որ աշխատակիցներից մեկը հայտնել է նախարարության գաղտնի փաստաթղթերի կորստի մասին՝ հավելելով, որ հարկավոր չէր հաջորդիվ մեկնաբանել այդ իրավիճակը:
Հասարակայնության ներկայացուցիչը, որը գերադասել է անանուն մնալ, կապնվել է BBC News-ի հետ, երբ հայտնաբերել է բովանդակության նուրբ բնույթը:
Փաստաթղթերը, որոնք վերաբերում են Թագավորական նավատորմի Defender ավիակրին, ցույց են տալիս, որ առաքելությունն իրականացվել է ակնկալիքով, որ Ռուսաստանն ագրեսիվ պատասխան կտա:
Չորեքշաբթի ավելի քան 20 ռուսական ինքնաթիռ եւ առափնյա պահպանության ծառայության երկու նավ հետեւել են ռազմանավին, երբ այն անցել է Ղրիմի ափերի տարածքով:
ՌԴ ՊՆ-ն հայտարարել է, որ պարեկային նավը կատարել է նախազգուշացնող կրակոցներ, իսկ ռեակտիվ ինքնաթիռը ռումբեր է նետել ավիակրի ճանապարհին, սակայն Մեծ Բրիտանիայի կառավարությունը հերքել է այդ վարկածը՝ բացառելով, որ կատարվել են ինչ-որ նախազգուշացնող կրակոցներ:
Ինչպես վկայում են փաստաթղթերը, այդ առաքելությունը, որը ստացել է «Op Ditroite» անունը, եղել է դեռեւս երկուշաբթի բարձր մակարդակով անցկացված քննարկումների առարկա, երբ պաշտոնական անձինք խորհում էին Ռուսաստանի արձագանքի մասին, եթե Defender-ը մոտենա Ղրիմին:
Կենտում հայտնաբերված փաստաթղթերն ապացուցում են, որ ավիակրի երթուղին հաշվարկված որոշում էր Բրիտանիայի կառավարության կողմից Ուկրաինային աջակցությունը ցուցադրելու նպատակով՝ չնայած հնարավոր վտանգներին: