Android համակարգով աշխատող սմարթֆոններում արագացվել է ներբեռնելուց հետո խաղերը սկսելու տեմպը, հաղորդում է Lenta -ն՝ հղում անելով The Verge պարբերականին:
Android 12-ում թարմացումից հետո գործառույթ է ի հայտ եկել, որը թույլ է տալիս մեկնարկել խաղերը՝ չսպասելով Google Play խանութից վերջնական ներբեռնումը: Մի շարք դեպքերում թայթլները կարելի է սկսել անմիջապես հեռախոսի մեջ հավելվածները ներբեռնելու ժամանակ: Այդ գործառույթը կա խաղերում, որոնք ունեն Play Asset Delivery տեխնոլոգիայի աջակցությունը: Այն օպտիմալացնում է ներբեռնումն ու ծրագրերի տեղադրումը, որոնց ծավալը գերազանցում է 150 մեգաբայթը:
Ընկերության ներկայացուցիչների խոսքով՝ Play Asset Delivery-ի շնորհիվ խաղերը բացելու համար անհրաժեշտ ժամանակը կրճատվել է շուրջ երկու անգամ: Լրագրողները նշել են, որ վատ ինտերնետ միացման դեպքում կամ ֆայլերի մեծ ծավալի ժամանակ օգտատերերը կարիք չեն ունենա սպասել հավելվածի լիարժեք ներբեռնմանը:
Google for Games 2021 ծրագրավորողների համաժողովի շրջանակում նաեւ հայտարարվել էր գործառույթը, որը հեշտացնում է սմարթֆոնի էկրանի տեսագրումը համացանցում խաղային գործընթացի հաջորդող սթրիմինգի համար: Ծրագրավորողները խոստացել են, որ այն ի հայտ կգա Android 12-ով գործառնող ընտրված սարքերում մինչեւ տարեվերջ:
Google-ից նոր օպերացիոն համակարգը ներկայացել է մայիսի վերջում: Android 12-ում խոշոր ռեդիզայն է տեղի է ունեցել, այն ստացել է գաղտնիության նոր կարգավորումներ, համակարգային տարրերի վերամշակված անիմացիա: Օպերացիոն ապահովումը կսկսի տարածվել օգտատերերի շրջանում մինչեւ տարեվերջ: