Մեծ Բրիտանիայի վարչապետ Բորիս Ջոնսոնը եւ ֆինանսների նախարար Ռիշի Սունակը կինքնամեկուսանան կորոնավիրուսով վարակված առողջապահության նախարար Սաջիդ Ջավիդի հետ շփվելուց հետո, հաղորդում է Sky News հեռուստաալիքը:
«Ինչպես ամբողջ երկրում հարյուրավոր ուրիշ մարդանց, ինձ հետազոտել են եւ խնդրել ինքնամեկուսանալ»,-ասել է Բրիտանիայի վարչապետը: Անգլիայում սահմանափակումները չեղարկելու նախաշեմին Ջոնսոնը կոչ է արել բոլոր քաղաքացիներին զգույշ լինել:
Ավելի վաղ BBC News-ը հայտնել էր, որ Ջոնսոնն ու Սունակը կարող էին տեղափոխվել բժշկական հսկողության ներքո, սակայն հետո ինքնամեկուսացումը ճանաչվել է՝ որպես ստեղծված իրավիճակից ելքի լավագույն միջոց: