Թուրքիայի պաշտպանության նախարարությունը հայտարարել է «առնվազն 7 ահաբեկչի» ոչնչացման մասին՝ «Եփրատի վահան» գործողության տարածքում զրահամեքենայի վրա հարձակման հետեւանքով իր երկու զինծառայողների մահվանից հետո, հայտնում է Anadolu-ն:
Թուրքիայի պաշտպանության նախարարությունը հայտնել է, որ գործողությունները եւ հարվածները «Սիրիայում ահաբեկչական թիրախների դեմ շարունակվում են»:
Հիշեցնենք, որ նախօրեին Սիրիայում Թուրքիայի զինված ուժերի զրահամեքենայի վրա հարձակման հետեւանքով երկու թուրք զինվորներ էին սպանվել, եւս երկուսը՝ վիրավորվել: Թուրքական կողմը հայտարարել է, որ թուրքական զինուժի վրա հարձակման հետեւում Քուրդիստանի աշխատավորական կուսակցության եւ Ազգային ինքնապաշտպանության ուժերի անդամներն են կանգնած: Այս երկու կազմակերպություններն էլ Անկարան որպես ահաբեկչական է ճանաչել: