News
Լրահոս
News
Երեքշաբթի
Սեպտեմբեր 21
Տեսնել լրահոսը

Սևծովյան տարածաշրջանը որպես էնոտուրիզմի (գինու տուրիզմ) գրավիչ ուղղություն խթանելու նպատակով The Sea of Wine-ի միջոցառումը միավորեց տարածաշրջանի երկրները:

Նախագծի մեկնարկն ազդարարող միջոցառման ընթացքում ՀՀ էկոնոմիկայի նախարարի տեղակալ Արման Խոջոյանը ողջունեց հյուրերին և խոսեց գինու ոլորտի, արտադրող ընկերությունների, ինչպես նաև ռեստորանների ու սրճարանների խթանման կարևորության մասին։ Ելույթ ունեցան նաև գործընկեր կազմակերպությունների ներկայացուցիչները։ Տեղեկատվական մասին հաջորդեց գինիների կույր համտես, որը ներկաների օրն անմոռանալի դարձրեց:

«The Sea of Wine նախագծի շնորհիվ մենք ցանկանում ենք համաշխարհային ճամփորդական քարտեզի վրա Սևծովյան տարածաշրջանը նշել որպես էնոտուրիզմի ցանկալի նպատակակետ։ Նաև մտադիր ենք խթանել տեղական բիզնեսները՝ գինու գործարաններ, տուրիստական գործակալություններ, հարմարավետ ժամանակավոր բնակատեղիներ, սննդի կետեր: Գործընկեր երկրները գինու պատմական աշխարհի մի մասն են, որոնք ակտիվորեն խթանվելու դեպքում կարող են մեծ ուշադրության արժանանալ և հետաքրքրություն առաջացնել զբոսաշրջիկների շրջանում», - ասաց ICARE հիմնադրամի տնօրեն Արթուր Գրիգորյանը:

Ծրագրի հիմնական նպատակն է խթանել Սևծովյան տարածաշրջանը՝ ստեղծելով համապատասխան հարթակ, կազմակերպելով տարատեսակ հետաքրքիր միջոցառումներ և հիմնելով գինու երթուղիներ։ Արդյունքում կստեղծվի մեկ միասնական Սևծովյան գինու երթուղի, որը հասանելի կլինի նախագծի հարթակում՝ օգնելով աշխարհի տարբեր ծայրերում գտնվող գործարարներին նոր շունչ հաղորդել իրենց բիզնեսին և զբոսաշրջիկներին ապահովել անհրաժեշտ ամեն ինչով։

Եվ այսպես՝ ցանկալի արդյունքի հասնելու համար մենք մտադիր ենք անել հետևյալը՝

մշակել ՏՀՏ հարթակ, որը կներառի տարածաշրջանի՝ որպես գինու արտադրության և տուրիզմի գրավիչ ուղղության վերաբերյալ անհրաժեշտ տեղեկությունը,

մեկնարկել «Եկեք խոսենք գինու մասին» միջոցառումների շարքը,

անցկացնել «Սևծովյան գինիները» խորագրով միջոցառումը, որի նպատակն է ընդլայնել Անդրսահմանային համագործակցությունը և Սևծովյան տարածաշրջանը դարձնել էնոտուրիզմի հիմնական ուղղություն։

«Սևծովյան ավազան 2014-2020թթ․» Եվրոպական հարևանության գործիքի ներքո իրականացվող Անդրսահմանային համագործակցության համատեղ գործառնական ծրագրի շրջանակում ԵՄ կողմից ֆինանսավորվող նախագիծը հրաշալի հնարավորություն է ընձեռում գինու և զբոսաշրջության ոլորտի գործարարներին ու շահառուներին՝ խելամիտ ծախսելու իրենց ռեսուրսներն ու օգուտ քաղելու գալիք տարիների ընթացքում: Ավելին՝ բոլոր նպաստավոր պայմաններն առկա են, որպեսզի նրանք ներկայացնեն և խթանեն իրենց ապրանքներն ու ծառայությունները, ինչպես նաև նպաստեն Սևծովյան տարածաշրջանի՝ որպես գինու պատմական աշխարհի ճանաչմանը։

26-ամսյա նախագիծը համատեղ իրականացնում են ICARE հիմնադրամը, Սալոնիկի Արիստոտելի անվան համալսարանը, Ագրոբիզնեսի զարգացման վրացական կենտրոնը և Օդեսայի սննդի տեխնոլոգիաների ազգային ակադեմիան 2020-2022 թթ․:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեկնարկել են Մոսկվա-Գյումրի-Մոսկվա երթուղով չվերթերը
Ավիատոմսերի առկայության, վերջիններիս ձեռքբերման և այլ մանրամասների...
«Ձեզ համար միայն լավ նորություններ ունեմ». Սամվել Կարապետյանը շուրջ 780 մլն դոլարի ներդրումներ խոստացավ
Այսօր այստեղ են հավաքվել Հայաստանի եւ Ռուսաստանի գործարար շրջանակների կայացած ներկայացուցիչներ...
Նոր համաձայնագիր. ՔՈԱՖ-ն ու ԱՄԱԱ-ն նոր զարկ են տալիս Լոռու մարզում կաթնամթերքի արտադրությանը
Բարելավելով արոտավայրերը և անասնակերի արտադրությունը մարզում՝ նախագիծը նպատակ ունի նպաստելու բարձրորակ և բարձրարժեք կաթի...
ՌԴ փոխվարչապետ․ Ռուսաստանը պատրաստ է օգնել Հայաստանին՝ հաղթահարելու տնտեսական ճգնաժամն ու պանդեմիան
Նրա խոսքով՝ ՀՀ-ի եւ ՌԴ-ի միջեւ տնտեսական համագործակցությունը խորը արմատներ ունի։ «Համատեղ ջանքերով մենք կարող ենք օգնել միմյանց՝ գտնելու պատասխաններ գլոբալ մարտահրավերների, տնտեսական ճգնաժամի եւ պանդեմիայի հաղթահարման համար։ Միեւնույն ժամանակ, մենք կարող ենք հասնել լավագույն արդյունքների եւ նույնիսկ գերազանցել դրանք»,-նշել է նա։
Քերոբյան․ նախատեսում ենք ստեղծել երեք արդյունաբերական պարկ
Նրա խոսքով՝ ռուսական մի շարք ընկերություններ, որոնք պատժամիջոցների պատճառով դժվարություններ են ունենում օտարերկրյա գործընկերների հետ շփման մե
Մհեր Գրիգորյան․ 2021-ի առաջին կիսամյակում Հայաստանի եւ Ռուսաստանի միջեւ առեւտրաշրջանառությունը կազմել է 1,9 մլրդ դոլար
Նրա խոսքով՝ առեւտրաշրջանառությունն աճել է 16 տոկոսով․․․