Մայամի քաղաքը չորեքշաբթի հայտարարել է MiamiCoin անունով կրիպտոարժույթի գործարկման մասին:
Այս քայլը, ըստ քաղաքի ղեկավարների, կընդլայնի ենթակառուցվածքային նախագծերի եւ այլ ծրագրերի ֆինանսավորման համար միջոցներ հայթայթելու իրենց կարողությունը: Մայամին կդառնա սեփական կրիպտոարժույթով առաջին քաղաքը, փոխանցում է ՏԱՍՍ -ը:
Նախատեսվում է նաեւ ֆինանսավորել տարբեր կազմակերպությունների գործունեությունը, քաղաքային միջոցառումները եւ խթանել հանրային նախագծերը: Այս ամենը պետք է նպաստի ընդհանուր Մայամիի զարգացմանը: Օգտատերերը կկարողանան պարգեւավճարներ ստանալ կրիպտոարժույթով, իսկ յուրաքանչյուր «մետաղադրամի» 30 տոկոսը կուղղվի քաղաքի գանձարան:
Հուլիսի վերջին Fox News-ին տված հարցազրույցում քաղաքապետ Ֆրենսիս Սուարեսը համոզմունք էր հայտնել, որ կրիպտոարժույթի ներդրմամբ Մայամին կարող է «միլիոնավոր դոլարներ» վաստակել:
