Կրիպտոթղթադրամների բումի ֆոնին կրիպտոարժույթների սպեկուլյատիվ շուկայում գտնվողները խոստանում են հարստություն պոտենցիալ ներդրողներին գրավիչ ակտիվներով, որոնք իրականում ոչ մեծ ներքին արժեք ունեն կամ բացահայտ խարդախություն են։ Այդ աշխարհը բացատրելու եւ հետազոտելու համար New York Times-ի թղթակիցը ստեղծել է Idiot Coin։
«Նպատակն այն էր, որպեսզի ցույց տրվի, որ թղթադրամի ստեղծումը չի պահանջում փորձ եւ որ դրանցից շատերն անհուսալի են եւ վտանգավոր»,- գրել է թղթակից Դեւիդ Սիգալը հոդվածում, որի վերնագիրն է «Սնանկանալ Կրիպտոլանդիայում», գրում է Business Insider-ը։
Սիգալը գրում է այն մասին, որ տասնյակ թղթադրամներ ստեղծվում են ամեն օր նրանց կողմից, ովքեր աշխատում են առանց ինչ-որ վերահսկողության եւ գրավում են միլիոնավոր մարդկանց, ովքեր ձգտում են արագ հարստանալ։ «Սովորաբար դա վատ է վերջանում», երբ թոքենների մեծ մասը արժեզրկվում է մի երկու շաբաթվա ընթացքում, իսկ այն ստեղծողները տասնյակ հազարավոր դոլարներ կամ ավելի շատ են վաստակում։
Բրիտանական Segal ընկերությունը Idiot Coin-ը ստեղծելիս խորհրդակցել է երկու իրավաբանի հետ՝ մեկը Լոնդոնում, մյուսը՝ ԱՄՆ-ում, թե օրինական են արդյոք արժեթղթերը եւ դրանք վաճառքի հանելը։ Երկուսն էլ ասել են, որ ցանկացած երկրի կարգավորողները կարող են դատի տալ թղթադրամներ ստեղծողներին։ Նրա խոսքով՝ տհաճություններից խուսափելը նշանակում էր համոզվել, որ Idiot Coin-ը անհաջողության կմատնվի։
Լրագրողը նշել է, որ թղթադրամներում ներդրումների ենթադրվող վնասները տատանվում են հարյուր միլիոնից մինչեւ 1 մլրդ դոլար տարեկան։
Ի վերջո, Սիգալը վճարեց մոտ 300 դոլար միջնորդավճար, որպեսզի հասնի այն տեղը, որտեղ դրոշմվել է 21 միլիոն Idiot Coin։ Թղթակիցն աշխատում էր Դեն Արեոլի հետ Թայվանից, որն ի նշան պոտենցիալ ներդրողներին նախազգուշացնելու՝ YouTube-ում տեղադրել էր դասագիրք այն մասին, թե ինչպես ստեղծել եւ առաջ մղել «խարդախ թղթադրամը»։
Սիգալը նաեւ վեբ-դիզայներ էր վարձել Coinforidiots.com կայքի ստեղծման համար։ Նա վարձել էր թիքթոքերի, որպեսզի գովազդի Idiot Coin-ը։ Նա հայտարարություն էր գրել CryptoMoonShots-ի համար, որտեղ ներկայացված է նոր կրիպտոարժույթը։
Նրա մարքեթինգային ջանքերը ներառում էին նաեւ հղումների հրապարակում սոցցանցերում Telegram Idiot Coin աքաունթին։ Նա ասել է, որ հավաքվել է մոտ 300 մարդ ամբողջ աշխարհում, եւ ոմանք հոռետեսական տրամադրություն ունեին։ «Ես վատություն արեցի այդ մարդկանց՝ հրաժարվելով նրանց հարստություն խոստանալուց»,- գրել է Սիգալը։
Ամենահայտնի մեմ-արժույթը շուկայում դոգքինն է, որը թողարկվել է 2013թ. երկու ծրագրավորողների կողմից։ Այս տարի դրա գինն ավելացել է մոտ 4300 տոկոսով՝ կազմելով մոտ 0,21 դոլար, ինչի արդյունքում նրա շուկայական կապիտալացումը կազմել է մոտ 27 մլրդ դոլար։
