Google-ը եւ Facebook-ը ներկայացրել են Սինգապուրը, Ճապոնիան, Գուամը, Ֆիլիպինները, Թայվանը եւ Ինդոնեզիան կապող ստորջրյա ինտերնետային նոր մալուխի անցկացման ծրագրերը:
Apricot անվանումը ստացած նախագիծը կունենա մոտ 12 000 կիլոմետր երկարություն: Այն, կարգավորող մարմնի հաստատման դեպքում, 2024 թվականին կսկսի գործել, ասվում է ընկերությունների առանձին հայտարարություններում:
Նախագիծը «կապահովի ինտերնետի շատ անհրաժեշտ հզորություն, բավարարություն եւ հուսալիություն՝ Ասիա-Խաղաղօվկիանոսյան տարածաշրջանում կապի ընդլայնման համար»,-ասել է Facebook-ի տեխնիկական ղեկավար Նիկո Ռորիչը: Apricot մալուխը գլոբալ ցանցային ենթակառուցվածքի ընդլայնման եւ ամբողջ աշխարհում ավելի քան 3,5 միլիարդ մարդկանց ծառայությունների բարելավման մեր մշտական ջանքերի մի մասն է»,- հավելել է Ռորիչը:
Այս տարվա սկզբին ընկերությունները հայտարարել էին Echo անվանմամբ մեկ այլ մալուխային նախագծի մասին, որը կապում է ԱՄՆ-ը, Սինգապուրը, Գուամը եւ Ինդոնեզիան:
«Echo и Apricot մալուխները իրենցից ներկայացնում են լրացուցիչ ստորջրյա համակարգեր, որոնք բազմակողմանի առավելություններ կապահովեն դեպի Ասիա եւ Ասիայից, ներառյալ հարավային Ասիայով եզակի երթուղիները՝ զգալիորեն ավելի լավ կայունություն ապահովելով Google Cloud-ի եւ թվային ծառայությունների համար»,- ասել է Google Clou-ի փոխնախագահ Բիկաշ Կոլեյը:
