Մենք անուղղակիորեն պատասխանատու ենք հեղուկ գազի թանկացման համար: Այս մասին օգոստոսի 27-ին կառավարության նիստից հետո լրագրողների հետ հարցազրույցում հայտարարեց Հայաստանի էկոնոմիկայի նախարար Վահան Քերոբյանը:
«Մենք մտահոգված ենք հեղուկ գազի շուկայում տիրող իրավիճակով, ուստի փորձում ենք ամեն բան անել գները նվազեցնելու համար: Ես ծանոթ եմ խնդիրներին», - նշեց Քերոբյանը:
Նա վստահեցրեց, որ հեղուկ գազի շուկայում գների նվազում է նկատվում:
«Որոշ գազալցակայաններում գինը մեկ լիտրի դիմաց 280 դրամից իջել է 240 դրամի: Մեր աշխատանքն ուղղված կլինի հայկական ընկերությունները օտարերկրյա մատակարարների հետ ծանոթացնելուն, որոնք կկարողանան ավելի մատչելի գներով վառելիք առաջարկել», - հավելեց նախարարը: