«Հյուսիսային հոսք 2»-ով գազի մատակարարումները կարող են սկսվել այս տարի։ Այս մասին հայտնել է Գազպրոմի վարչության նախագահ Ալեքսեյ Միլերը, հաղորդում է Ինտերֆաքսը։
«Մինչեւ տարեվերջ կարող ենք «Հյուսիսային հոսք 2» գազամուղով գազ մատակարարել եվրոպական շուկա»,-հայտարարել է Միլերը։
«Հյուսիսային հոսք 2»-ը երկգիծ գազատար է: Դրանցից յուրաքանչյուրի երկարությունը 1,2 հազար կմ է: Դրանք ձգվում են Ուստ-Լուգա նավահանգստից (Լենինգրադի մարզ) դեպի գերմանական Գրայֆսվալդ: Գազամուղի հզորությունը կազմում է տարեկան 55 մլրդ խմ գազ։
