Apple-ը օգտվողներին զգուշացրել է iPhone-ների տեղափոխման վտանգի մասին մոտոցիկլետներով եւ այլ տրանսպորտային միջոցներով, որոնք ուժեղ վիբրացիա են առաջացնում: Վնասվելու նոր պատճառների նկարագրությունը հայտնվել է ընկերության կայքի աջակցության էջում:
Նոր փաստաթղթում ասվում է, որ iPhone-ի վրա որոշակի հաճախականությունների տիրույթներում բարձր ամպլիտուդայի վիբրացիան կարող է վնասել սմարթֆոնի տեսախցիկը: Որպես օրինակ ներկայացվում է մոտոցիկլետների շարժիչը: Այս առումով տեխնիկական աջակցության մասնագետները խորհուրդ են տվել օգտվողներին հեռախոսներ չամրացնել մոտոցիկլետի կամ հզոր շարժիչով այլ տրանսպորտային միջոցների ղեկին:
Ընկերությունը պարզաբանել է, որ որոշ հեռախոսներ օգտագործում են պատկերի օպտիկական կայունացում (OIS)՝ iPhone-ի տեսախցիկով արված ֆոկուսային պատկերներ ֆիքսելու համար: «Մագնիսական սենսորները չափում են գրավիտացիոն եւ վիբրացիոն հետեւանքները եւ որոշում են օբյեկտիվի դիրքը», - ասում են փորձագետները: Այս սենսորները կարող են վնասվել ուժեղ վիբրացիաների պատճառով:
Բացի այդ, ընկերության աշխատակիցները նշել են, որ մոպեդները, հեծանիվները եւ երկանիվ այլ տրանսպորտային միջոցները ավելի քիչ վիբրացիաներ են ստեղծում: «Այնուամենայնիվ, iPhone-ը վնասելու ռիսկը նվազեցնելու համար խորհուրդ է տրվում օգտագործել հարվածներ կլանող ամրակներ», - ասվում է փաստաթղթում:
