ԱՄՆ-ը երբեք պատերազմ չի սկսի Ռուսաստանի եւ Չինաստանի դեմ, քանի որ դա կբերի կործանարար հետեւանքների ամբողջ աշխարհի համար, հայտարարել է ԱՄՆ ԶՈՒ շտաբերի պետերի կոմիտեի նախագահի տեղակալ, գեներալ Ջոն Հայթենը:
Սառը պատերազմը «երկու մեծ տերությունների ամենանշանակալի առճակատումն էր, որ աշխարհն այն ժամանակ տեսել էր, քանի որ դրանք առաջին երկու մեծ տերություններն էին, որոնք ունեին միջուկային զենքի հսկայական զինանոց», մինչդեռ երկու երկրներն էլ պահպանում էին զսպման կարողությունները եւ չէին պայքարում միմյանց դեմ: «Սկզբունքային տեսանկյունից մենք երբեք չենք կռվել Խորհրդային Միության դեմ:
Ինչ վերաբերում է մեծ տերություններին, մեր նպատակը պետք է լինի երբեք պատերազմի մեջ չմտնել Չինաստանի հետ, երբեք պատերազմի մեջ չմտնել Ռուսաստանի հետ, քանի որ այդ օրը սարսափելի կլինի մոլորակի համար, սարսափելի օր` մեր երկրների համար: Այն կկործանի աշխարհը: Այն կկործանի համաշխարհային տնտեսությունը: Դա վատ կլինի բոլորի համար, այնպես որ մենք պետք է համոզվենք, որ չենք գնա այդ ճանապարհով»,- ընդգծել է Հայթենը:
