News
Լրահոս
News
Կիրակի
Հոկտեմբեր 17
Տեսնել լրահոսը

100-ամյա բրիտանուհին իր երկարակեցության հիմնական գաղտնիքը համարում է վիսկին, զբոսանքը, բանանը եւ ֆաշիզմի դեմ պայքարը: Նրա պատմությունն ու խորհուրդները հրապարակվել է Hampstead & Highgate Express-ը:

Ջուլի Բուշն իր հարյուրամյակը տոնել է ընտանիքի, ընկերների եւ հարեւանների հետ՝ Լոնդոնի իր տան մոտ կազմակերպված մեծ խնջույքով: Կինն ամբողջ կյանքում բժիշկ է աշխատել: «Որեւէ ներքին փոփոխություն չեմ զգում: Ինձ համար ամսաթիվը եւ տարիքը ոչինչ չեն նշանակում: Ես մենակ եմ ապրում եւ կարող եմ հոգալ իմ մասին», - ասել է թոշակառուն, հայտնել է Lenta-ն:

Բուշի տարեդարձին ներկա են եղել բոլոր հարեւանները: «Մենք բոլորս շուտով Ջուլիի տարիքին կհասնենք: Հուսով եմ, որ նրա տարիքում կունենանք նույն գերազանց առողջությունը: Նա մարմնավորում է մարդկային լավագույն որակները», - ասել է Բուշի հարեւանուհիներից մեկը:

Թոշակառուն պատմել է, որ համավարակի սկզբից որոշակի դժվարություններ է ունեցել, քանի որ սովոր էր ինքն իր համար հաց թխել, սակայն կարանտինի սկզբին ալյուրը գրեթե անհետացել է խանութներից: Այնուամենայնիվ, հարեւաններն ու հարազատները սկսել են ալյուր բերել, որպեսզի կինը իր սովորական ապրելակերպը վարի:

Բուշը համալսարանում բնական գիտություններ է ուսումնասիրել, սակայն Երկրորդ համաշխարհային պատերազմի բռնկումից հետո տեղափոխվել է բժշկական ֆակուլտետ եւ ստացել ֆիզիոթերապեւտի դիպլոմ: Պատերազմից հետո որպես բժիշկ աշխատել է Գերմանիայում՝ Կարմիր Խաչում, իսկ հետո մի քանի տասնամյակ աշխատել է մայրաքաղաքի կլինիկաներում:

Թոշակառուն թոռան հետ կիսվել է երկարակեցության եւ գերազանց առողջության գաղտնիքով: «Վիսկի, զբոսանքներ, բանաններ եւ պայքար ֆաշիզմի դեմ: Ցանկացած հերթականությամբ», - տղամարդը մեջբերել է Ջուլիի խոսքերը:

!
Այս նյութը հասանելի է նաև   Русский
Տպել
Ամենաշատ