Ես շրջել եմ գերեզմաններով, ծաղիկներ եմ դրել շիրմաքարերին, խունկ ենք ծխացել եւ այնտեղ կային բազմաթիվ սգացող մարդիկ: Ես որեւէ մեկին բերման ենթարկվող կամ սահմանափակման ենթարկվածի այնտեղ չեմ տեսել: Այս մասին այսօր՝ սեպտեմեբրի 21-ին, «Եռաբլուր» պանթեոնում լրագրողների հետ զրույցում նշեց ԿԳՄՍ նախարար Վահրամ Դումանյանը:
Հարցին, թե իԻնչպես է գնահատում այն, որ լրագրողներին թույլ չտվեցին լուսաբանել վարչապետի եւ մյուս պաշտոնյաների այցը, նաեւ զոհված զինծառայողների ծնողներից մեկին բերման ենթարկեցին, Դումանյանը պատասխանեց. «Դա ես չեմ որոշել: Ցանկացած միջոցառում ունի իր անվտանգային եւ այլ պահերը»:
Դիտարկմանը, թե գուցե պաշտոնյաները վախենում էին լրագրողներից, նախարարն արձագանքեց. «Որեւիցե մեկը որեւիցե մեկից չի վախենում: Նորից եմ կրկնում, մենք այցելել ենք գերեզմաններին, ծաղիկներ ենք դրել, խունկ ենք ծխացել, զրուցել ենք սգացող ծնողների հետ, նրանց հարազատների հետ, փնտրել ենք տարբեր գերեզմաններ մեր ծանոթներից, մեր շրջապատից: Դուք այնպիսի հարցեր եք բարձրացնում, այսօր այդ օրը չի, որ ես մեկնաբանեմ ձեզ մի բան, որը ես չեմ ետսել, բայց դուք ասում եք, որ եղել է»:
Դրանից հետո Դումանյանը քայլելով մոտեցավ մեքենային, նստեց ու հեռացավ՝ չպատասխանելով հարցերին, թե արդյոք մասնակցելու է «գգունագեղ» միջոցառմանը, արդյոք անկախության տոնի առթիվ պարգեւավճար ստացել է:
