News
Լրահոս
News
Երկուշաբթի
Հոկտեմբեր 25
Տեսնել լրահոսը


Այսօր ինձ համար կրկնակի դավաճան է նա, ով ասում է, որ հայկական բանակն է պարտվել: Սա թշնամու երազանքն է, որ անկատար է մնացել, ադրբեջանական ԶՈՒ-երը երբեք չեն կարողացել հաղթել հայկական բանակին, պարտվել է Հայստանի գործող իշխանությունը, որն իր աններելի սխալների պատճառով արցախյան հիմնահարցի արդարացի կարգավորումը մատնել է վտանգավոր անորոշության, և փաստացի այսօր ՌԴ խաղաղապահ ուժերն են ապահովու Արցախում մեր խաղաղ բնակչության անվտանգությունը: Այս մասին 44-օրյա  պատերազմի տարելիցին նվիրված իր ուղերձում ասել է  ԱԺ «Հայաստան» խմբակցության ղեկավար, գեներալ-գնդապետ,

Արցախի և Հայաստանի պաշտպանության նախկին նախարար Սեյրան Օհանյանը:

«Սիրելի հայրենակիցներ, պարոնայք սպաներ, ենթասպաներ, հարգարժան կամավորականներ, երկրապահներ, հանուն հայրենիքի նահատակված հերոսների մայրեր, հայրեր, քույրեր և եղբայրներ, 2020 թվականի սեպտեմբերի 27-ին ադրբեջանական զինված ուժերը հարձակվեցին Արցախի վրա, նրանց նպատակը մեկն էր՝ բնաջնջել Արցախը և իր հայրենիքում խաղաղ ապրող հայ ժողովրդին: Դրա վառ ապացույցն են արգելված զինատեսակներով մարտական գործողությունները, որոնք թիրախավորել էին ոչ միայն ողջ սահմանագիծը, այլը խաղաղ բնակավայրերը՝ նույնիսկ մարդասիրական միջանցք չտրամադրելով վիրավորների, խաղաղ բնակիչների տարհանման համար: Այս ամենը ուղեկցվել է հակառակորդի կողմից հատուկ դաժանությամբ իրականացված ծանրագույն հանցագործություններով: Այսօր Արցախը կանգնած է լրագույն խնդիրների առջև և չափազանցություն չի լինի, եթե ասենք, որ վտանգված է Հայաստանի ինքնիշխանությունը, պետականությունը: Մեր պետության առջև ծառացած սպառնալիքները չեզոքացնելու և անվտանգությունն ապահովելու հանար կարևոր նախապայման է տեղի ունեցածի օբյեկտիվ և հանգամանալից վերլուծությունը: 2018 թվականին հայ ժողովուրդը ներքաղաքական կյանքում նոր իրողության առջև կանգնեց, և թվում էր՝ երկրում ձևավորվող նոր իշխանությունը, ունենալով ժողովրդի լիակատար աջակցությունը, գնալու է իրական բարեփոխումների բոլոր բնագավառներում: Սակայն ցավեք սրտի նրանք առաջնահերթություն համարեցին պետական բոլոր ռեսուրսներն ուղղել պետական անվտանգությունն ապահովող բանակը հեղինակազրկելուն և քանդելու գործընթացին: Նախորդ 3 տարիների ընթացքում մենք ականատես եղանք, թե ինչպես էին թիրախավորվում հայկական բանակի և հայոց նորանկախ պետությունների ստեղծման ակունքներում կանգնած նախագահները, հաղթանակներ մերտած հրամանատարները: Դեռևս այն ժամանակ բազմաթիվ ռազմաքաղաքական գործիչներ գուժում էին, որ այդ հետապնդումները նպատակային են և ուղղված են զինվորական հեղինակություններին, գեներալներին չեզոքացնելուն: Կարծում եմ՝ դա սկիզբն էր Արցախի և Հայաստանի դեմ սանձազերծված դավադիր և նենգ ծրագրի: Միտում ունենալով ոչնչացնել «նախկինների»՝ տարիներով ստեղծած ավանդը՝ երկրի քաղաքական իշխանությունն իր ապաշնորհ, հակապետական կառավարման, արտաքին հարաբերություններում դաշնակիցների հետ կոպիտ, անթույլատրելի սխալների, միջազգային ազդեցիկ կենտրոնների հետ գրագետ աշխատանքը ձախողելու պատճառով 44-օրյա պատերազմում Արցախի անվտանգության պահպանման ողջ ծանրությունն ու պատասխանատվությունը թողել է բանակի վրա: Պատերազմի ժամանակ նրանք կանգնեցրել են զինված ուժերի համալրման գործընթացը, այնինչ պարտավոր էին երկիրը դնել ռազմական ռելսերի վրա, համապմբել ողջ ժողովրդին և առաջնորդել Արցախը պաշտպանելու: Այս պատերազմում նրանց նույնիսկ հաջողվել է կոտրել դժվարին պահին մի բռունցք դառնալու հայ ժողովրդին հավաքական կամքը: Ես կտրականապես դեմ եմ մարտական գործողությունների՝ ռազմական գաղտնիք պարունակող տեղեկությունների քննարկմանը, որովհետև դրա նպատակը քաղաքական է և հերթական անգամ վնասում է բանակի հեղինակությանը: Մենք հետամուտ ենք լինելու վերջին պատերազմում պետության պարտության իրական պատճառները քննող անկողմնակալ հանձնաժողովի ստեղծմանը և մեր հայրենակիցների կյանքը, առողջությունը, ազատությունը հանցավոր ապիկարությամբ զոհաբերած, Արցախը հանձնած դավադիր ուժերը դատարանի առջև են կանգնելու: Իսկ այսօր, զուտ ռազմական տեսանկյունից վերլուծելով Արցախյան վերջին պատերազմի մարտական գործողությունները, պետք է արձանագրենք, որ բոլոր այն հատվածներում, որտեղ թշնամու բանակը ուղիղ մարտի մեջ է բռնվել հայկական ստորաբաժանումների հետ, կրել է ծանր կորուստներ: Բոլոր այն հատվածներում, որտեղ հայկական բանակը խրամատավորվել և ամուր կանգնել է իր դիրքերում, հակառակորդը չի կարողացել առաջխաղացում ունենալ: Փաստացի նրանք կարողացել են մխրճվել Արցախի՝ լավ կահավորված 283 կմ սահմանագծի մոտավորապես 20կմ հատվածում, իսկ այնուհետև չկանգնցնելով նրանք առաջխաղացումը՝ թույլ է տրվել առաջ գալ: Ես պնդում եմ, որ հայակակն բանակը պետության ամուր աջակցության դեպքում ի զորու էր պատերազմ մղելու ոչ միայն թուրք-ադրբեջանական խմբավորումների դեմ, այլև վարձկան ահաբեկիչների և համապատասխան բնագծերում, հատկապես լեռնաանտառային հատվածներում կարող էր կանգնեցնել նրանց: 44-օրյա պատերազմի ընթացքում հայկակն բանակը ադրբեջանական ԶՈՒ-ին հասցրել է ահռելի կորուստներ, ինչի մասին շատ լավ գիտի հենց ինքը՝ հակառակորդը, և նոյեմբերի 9-ին, ինչպես նաև դրան նախորդող որոշ վճռական ժամանակահատվածներում նա արդեն ուժասպառ էր, սակայն պետությունը ոչինչ չարեց այդ իրավիճակներից օգտվելու, բանակի շարքերն ամրացնելու և հակառակորդին ջախջախելու համար: Այսօր ինձ համար կրկնակի դավաճան է նա, ով ասում է, որ հայկական բանակն է պարտվել: Սա թշնամու երազանքն է, որ անկատար է մնացել, ադրբեջանական ԶՈՒ-երը երբեք չեն կարողացել հաղթել հայկական բանակին, պարտվել է Հայստանի գործող իշխանությունը, որն իր աններելի սխալների պատճառով արցախյան հիմնահարցի արդարացի կարգավորումը մատնել է վտանգավոր անորոշության, և փաստացի այսօր ՌԴ խաղաղապահ ուժերն են ապահովում Արցախում մեր խաղաղ բնակչության անվտանգությունը: Պետք է հասկանալ՝ ինչու այսօր Հայստանի իշխանություններն իրենց բոլոր լծակները չեն ծառայեցնում բարձրաձայնելու միջազգային հանրությանը, որ Ադրբեջանը հանցագործ է: Ո՞նց է ստացվում, որ այս իշխանության մոտ ստացվում է բազմամարդ տեսարաններ բեմադրել փողոցներում, հրապարակներում, կամ ոստիկանական ուժերի միջոցով ճնշում գործադրել սեփական ժողովրդի վրա, իսկ համախմբել բոլորին, առաջին գիծ գնալ, խրամատներ փորել, Արցախյան հայրենական պատերազմում կռվել և հաղթել չեն կարողանում: Իմ կարծիքով հետևությունը մեկն է՝ պարտված իշխանությունը անընդհատ գտնվել և գտնվելու է հակառակորդի կողմից ճնշման պարտադրանքի ներքո և ի վիճակի է միայն ինքնահաստատվել սեփական ժողովրդի վրա: Իսկ հակառակորդը, օգտվելով ստեղծված իրավիճակից, շարունակելու է չկատարել միջազգային կոնվենցիաները, նոյեմբերի 9-ի հայտարարության նորմերը և ներխուժելու Հայաստանի Հանրապետության ինքնիշխան տարածք՝ շարունակելու է թիրախավորել սահմանամերձ դարձած բնակավայրերի բնակիչներին, սպանել և գերեվարել հայ զինծառայողներին: Մենք պարտավոր ենք դուրս գալ այս իրավիճակից»,- ասել է Սեյրան Օհանյանը:

Մանրամասները` տեսանյութում:

Տպել
Կարդացեք նաև
Ամբողջը
44–ՕՐՅԱ ՊԱՏԵՐԱԶՄ.ՊԱՇՏՈՆԱԿԱՆ ԵՎ ԻՐԱԿԱՆ ՔՐՈՆԻԿՈՆ. ՕՐ 28–ՐԴ՝ ՀՈԿՏԵՄԲԵՐԻ 24
44-օրյա պատերազմից ուղիղ մեկ տարի անց, NEWS.am-ը ներկայացնում է այդ օրերի քրոնիկոնը...
ՀՀ պաշտպանության նախարարն ընդունել է ԿԽՄԿ պատվիրակությանը
Քննարկվել են երկկողմ համագործակցությանը, արցախյան առաջին և երկրորդ պատերազմների արդյունքում անհայտ կորած անձանց վերաբերող հարցեր…
Հայաստանի աշխարհագրական դիրքն այնպիսին է, որ ստիպված եք հավասարակշռություն պահել. Իտալիայի նախկին վարչապետ
Խոսելով Հայաստանի ու հայ ժողովրդի մասին՝ Ռոմանո Պրոդին ասել է...
Ալիևի՝ կրկին թափ ստացած ագրեսիվությունն ու սադրիչ վերաբերմունքը Իրանի նկատմամբ կարող է խաթարել Ադրբեջանի անվտանգությունը
Հոդվածագրի կարծիքով՝ Ալիևի վստահությունն անտեղի և հակաարդյունավետ է…
20 անձ անհետացել են ադրբեջանական գերության մեջ. Հայկական իրավական կենտրոնը նոր գործեր է ներկայացրել ՄԻԵԴ
Իրավական այս գործողությունների նպատակն է նաև ընդգծել, որ Ադրբեջանը տիրապետում է այդ անձանց մասին տեղեկություններին և մինչ այժմ չի…
Այս պահի դրությամբ Հայաստանի վարչապետի և Ադրբեջանի նախագահի միջև որևէ հանդիպում նախատեսված չէ․ ԱԳՆ մամուլի քարտուղար
Միևնույն ժամանակ, 2021 թվականի հունվարի 11-ի հայտարարության հիման վրա՝ Հայաստանը ներգրավված է եռակողմ…
Ամենաշատ